02.11.2024 | 16:34
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Սննդից` պարարտանյութ, պլաստիկից` դույլեր, կախիչներ. ՀՀ-ում կսկսեն թափոնները վերամշակել. ՏԵՍԱՆՅՈՒԹ
Տնտեսություն
01.02.2021 | 12:39
Սննդի մնացորդներից՝ պարարտանյութ, պլաստիկից՝ դույլեր, ծաղկամաններ, հագուստի կախիչներ, թղթից, ապակուց՝ համանման ապրանքներ և այլն. Երևանում քաղաքային իշխանությունների, հասարակական կազմակերպությունների ջանքերով ակտիվ աշխատանք է տարվում թափոնների տեսակավորման մշակույթի տարածման, թափոնին երկրորդ կյանք տալու ուղղությամբ:
Այսօր հրավիրված ասուլիսում «Էկո աղբ» հասարակական կազմակերպության ծրագրերի ղեկավար Վահե Սալահյանը նշեց, որ ներկայում Երևանում և հարակից շրջաններում գործում են պլաստիկը, պոլիէթիլենը, թուղթը, ստվարաթուղթը, ապակին վերամշակող գործարաններ:
«Պետք է աշխատանք տարվի մարտկոցների, սնդիկի, էլեկտրական լամպերի, սննդի, հագուստի թափոնների ուղղությամբ: Վստահ եմ, որ վաղ, թե ուշ հասնելու ենք այնպիսի փուլի, որ բացերը լրացվելու են, և ավելի շատ ուղղություններով կլինի վերամշակում: Մենք կարող ենք ստեղծել բավարար ռեսուրս, մի քանի անգամ կյանք տալու իքս թափոնին: Դա կարևոր է, թե էկոլոգիական, թե տնտեսական տեսանկյունից»,- նշեց Վահե Սալահյանը:
Մանրամասները՝ տեսանյութում:
