16.03.2026 | 17:21
Քննարկվել են զբոսաշրջության ոլորտում համագործակցության զարգացման հնարավորությունները. ավարտվել է MITT 2026 ցուցահանդեսը
Կառավարության շենքը զավթելու փորձի համար մեղադրվող 5 անձինք ազատ են արձակվել
Հասարակություն
31.01.2021 | 16:30
Հունվարի 28-ին Փաշինյանի հրաժարականի պահանջով հավաք էր կազմակերպվել, որի ընթացքում 21 անձ բերման էր ենթարկվել ՀՀ քրեական օրենսգրքի 219-րդ հոդվածի հատկանիշներով՝ շենքեր, շինություններ, տրանսպորտի, հաղորդակցության կամ կապի միջոցներ, այլ հաղորդակցության ուղիներ զավթելու կամ դրանք պահելու կասկածանքով։
Նույն հոդվածի հատկանիշներով հարուցվել է քրեական գործ, որի շրջանակներում հինգ անձ ձերբակալվել էր՝ Արագած Ախոյանը, Արշակ Զաքարյանը, Վահագն Չախալյանը, Տիգրան Չոբանյանը և Իսրայել Հակոբկոխյանը։
Վարույթ իրականացնող մարմինը նրանց մեղադրանք է առաջադրել՝ ՀՀ քրեական օրենսգրքի 34-219-րդ հոդվածի 2-րդ մասի 1-ին կետի՝ մի խումբ անձանց կողմից նախնական համաձայնությամբ շենք-շինություններ զավթելու փորձի հատկանիշներով։
Դատարաններում քննության առարկա էր դարձել ինչպես նշված անձանց ձերբակալման իրավաչափության, այնպես էլ կալանքը որպես խափանման միջոց ընտրելու հարցը։
Գործերը քննվում էին տարբեր դատավորների վարույթներում, նրանց որոշումների արդյունքում նշված բոլոր հինգ անձինք ազատության մեջ են։
