12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
Երևանում առկա պատսպարանների խնդիրներից մինչև հրշեջ հիդրանտների նորոգում. ԵՓՎ-ն ամփոփել է 2020 թվականը
29.01.2021 | 19:48
Երևանում առկա 10 և ավելի հարկեր ունեցող բազմաբնակարան շենքերի հրդեհաշիջման քարտեր են կազմվել 2020թ-ին՝ բացառությամբ նորակառույցների, որոնք դեռ շահագործման չեն հանձնվել: Հրդեհաշիջման քարտերը թույլ են տալիս նախապես հաշվարկել հնարավոր հրդեհների առաջացման դեպքում մարդկային և նյութական արժեքների փրկման համար անհրաժեշտ ռեսուրսներն ու միջոցները: Իսկ պայթյունավտանգ, դյուրավառ, ռադիոակտիվ և խիստ թունավոր նյութեր պարունակող ձեռնարկությունների հրդեհաշիջման քարտերում և օպերատիվ պլաններում իրականացվել են համապատասխան փոփոխություններ ու լրացումներ: Երևանի քաղաքապետարանում Երևանի փրկարարական վարչությունն ամփոփեց բնակչության պաշտպանության և քաղաքացիական պաշտպանության համակարգերի 2020 թվականի գործունեությունը:
Երևանի քաղաքապետարանի հետ ձեռք է բերվել պայմանավորվածություն՝ 50 հատ հրշեջ հիդրանտի վերանորոգման և նորերի տեղադրման վերաբերյալ: Նախագծա-նախահաշվային փաստաթղթերը կազմված են: Նորոգման ենթակա ևս 55 հրշեջ հիդրանտի ցանկ է ներկայացվել: Երևանի քաղաքապետարանի և ԵՓՎ-ի միջև համագործակցությունը շարունակվում է բոլոր ուղղություններով:
2020 թվականի ընթացքում Երևանում առկա թաքստոցների ու պատսպարանների պահպանության վիճակի հերթական ուսումնասիրություններ են իրականացվել, կազմվել են ակտեր։ Արտակարգ իրավիճակների նախարար Անդրանիկ Փիլոյանը հորդորեց ակտիվ աշխատանքներ տանել պաշտպանական կառույցները պատշաճ վիճակի բերելու ուղղությամբ:
Նիստի ավարտին Արտակարգ իրավիճակների նախարարն «Անվեհեր փրկարար» մեդալով պարգևատրեց Երևանի փրկարարական վարչության պետ Առնոլդ Հարությունյանին, «Համագործակցություն հանուն փրկության» մեդալ շնորհեց Երևանի քաղաքապետի առաջին տեղակալ Հրաչյա Սարգսյանին, նախարարը պատվոգրերով պարգևատրեց Երևանի քաղաքապետարանի ներկայացուցիչների ու փրկարարների: Երևանի փրկարարական վարչության պետն ու մի քանի փրկարարներ Երևանի քաղաքապետ Հայկ Մարությանի կողմից պատվոգրերի արժանացան:
