27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Միջազգային իրավապաշտպանները պահանջում են դադարեցնել Ռուսաստանում քաղաքական բռնաճնշումները
Քաղաքականություն
29.01.2021 | 15:47
Քաղաքացիական ակտիվիստների ու միջազգային իրավապաշտպան կազմակերպությունների մի խումբ ակտիվիստներ միջնորդությամբ են հանդես եկել, որով պահանջում են դադարեցնել քաղաքական բռնաճնշումները Ռուսաստանում։ Այս մասին ասվում է Եվրոպայի խորհրդին, ԵԱՀԿ-ին, ԵՄ-ին, մարդու իրավունքների պաշտպանության հարցով ՄԱԿ-ի խորհրդին ուղղված բաց նամակում, որը հրապարակվել է Change.org-ում, գրում է DW-ի ռուսական ծառայությունը։
Բացի Ալեքսեյ Նավալնիի և Հակակոռուպցիոն հիմնադրամից (FBK) նրա գործընկերների հետապնդումներից, միջնորդության նախաձեռնողները կոչ են անում «ուշադրություն դարձնել վերջերս վեց տարվա ազատազրկման դատապարտված Ազատ Միֆտախովի գործին, ինչպես նաև 63 դատապարտվածների գործին, որոնք Memorial–ի կողմից քաղբանտարկյալ են ճանաչվել, ինչպես նաև կրոնական համոզմունքների համար դատապարտված 285 անձանց գործերին»:
Հայցի հեղինակների կարծիքով, եթե միջազգային հանրությունն արագ չարձագանքի Ռուսաստանում բռնության նոր ալիքին, ապա դա կարող է կանաչ լույս վառել ՌԴ իշխանությունների համար համընդհանուր ահաբեկչության համար։ «Մենք կոչ ենք անում ձեզ չսահմանափակվել նման իրավիճակներին բնորոշ դիվանագիտական բնույթի հայտարարություններով»,- ասվում է նամակում։
Առաջարկվում է ստեղծել գործողությունների կոորդինացման համար միջազգային կոմիտե ու համաձայնեցված կերպով կոչ անել ՌԴ իշխանություններին հետևել ՄԱԿ-ի, Եվրոպայի խորհրդի ու ԵԱՀԿ-ի անունից իր վրա վերցված պարտավորությունները։
