18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Եթե խոսքը զինված ապստամբության մասին է, ես դրա կողմնակիցը չեմ. Հրանտ Թոխատյան. ՏԵՍԱՆՅՈՒԹ
Քաղաքականություն
28.01.2021 | 16:58
30 տարվա մեջ մենք հավատ կորցրեցինք: Այս մասին այսօր՝ հունվարի 28-ին Հանրապետության հրապարակում հավաքի ժամանակ ասաց ՀՀ վաստակավոր արտիստ Հրանտ Թոխատյանը։
Հարցին, թե Ռոբերտ Քոչարյանն ասել է, որ Հայաստանը վերածվել է Ռուսաստանի պրոտեկտորատը, համաձա՞յն է այդ կարծիքը, դերասանն ասաց, որ եթե այսպես շարունակվի, ապա այո։ «Գիտեք, եթե ամեն մի քայլ անելու համար պետք է զանգենք և խորհրդակցենք, բնականբար, երևի թե ճիշտ է»,- ասաց Թոխատյանը:
Անդրադառնալով Հայրենքի փրկության շարժման վարչապետի թեկնածու Վազգեն Մանուկյանի հայտարարությանը, որ եթե Սահմանադրական ճանապարհով չհասնեն վարչապետի հրաժարականին, ապա կդիմեն ապստամբության, Թոխատյանը նշեց, որ եթե խոսքը զինված տարբերակով ապստամբության մասին է, ապա ինքը կողմնակից չէ այդ տարբերակին։
Դիտարկմանը, թե խոսքը զինված գործողությունների մասին չէ, այլ շենքեր գրավելու, կոշտ գործողությունների անցնելու մասին է, դերասանն արձագանքեց. «Այն, որ պետք է լինեն գործողություններ, ես դրան կողմնակից, որովհետև մենք հենց նոր խոսում էինք այն մասին, որ նախորդ շարժումը մարեց, երևի նրանից էր, որ հավաքվում էինք, լսում էինք ինչ-որ բաներ, որի մասին բոլորս գիտեինք, և հետո երթի էինք գնում, ապա գնում էինք տուն, դա էլ ձև չի»։
Հարցին՝ հիմա ինչ-որ բան փոխվել է թե ոչ, դերասանը պատասխանեց, որ չգիտի, եկել է պարզելու:
