14.12.2024 | 19:57
Ինչ իրավիճակ է ճանապարհներին 19։35-ի դրությամբ
Տոկիոյի օլիմպիական խաղերը հնարավոր է անցկացվեն առանց հանդիսատեսի
28.01.2021 | 17:30
Տոկիոյում ամառային օլիմպիական խաղերն առանց հանդիսատեսի անցկացնելու տարբերակը քննարկում է մրցումների կազմակերպչական կոմիտեն։ Այս մասին հունվարի 28-ին տեղի ունեցած մամլո ասուլիսի ժամանակ հայտարարել է կազմկոմիտեի ղեկավար Յոսիրո Մորին, գրում է ИА REGNUM-ը։
«Մենք չենք ցանկանում խաղերն առանց հանդիսատեսի անցկացնել։ Սակայն եթե չմտածենք այս տարբերակի մասին, ապա չի ստացվի իրականացնել մրցումների կազմակերպումը»,- ասել է Մորին։
Նրա խոսքով՝ կազմկոմիտեն ոչ մի առարկություն չի ստացել իր գործընկերներից Օլիմպիական խաղերն անցկացնելու կապակցությամբ։
Ավելի վաղ, բրիտանական Times թերթը գրել էր, որ Ճապոնիայի իշխանությունները որոշում են կայացրել չեղարկել խաղերը։ Ավելի ուշ Ճապոնիայի իշխանությունները հերքել էին այս հաղորդագրությունները։
Տաթև Ֆռանգյան
.
