27.04.2024 | 20:00
Լրագրողի մասնագիտական օրինական գործունեությունը խոչընդոտելը քրեորեն պատժելի արարք է. Ժուռնալիստների միություն
Ուկրաինայում Պորոշենկոյի ու Բայդենի դեմ քրեական գործ է հարուցվել
Քաղաքականություն
27.01.2021 | 14:49
Ուկրաինայում երկու քրեական գործ է հարուցվել երկրի նախկին նախագահ Պյոտր Պորոշենկոյի ու ԱՄՆ նախագահ Ջոզեֆ Բայդենի դեմ՝ երկրի նախկին գլխավոր դատախազի գործունեությանը միջամտելու կասկածանքով։ Այս մասին հայտնել է երկրի նախկին նախագահի փաստաբան Իգոր Գոլովանը, գրում է «Կլիմենկո Թայմ»-ը։
«Հունվարի 22-ին՝ ԱՄՆ նախագահի երդմնակալությունից երկու օր անց, երկու նոր քրեական գործ է հարուցվել՝ Պորոշենկոյի և Բայդենի կողմից Ուկրաինայի նախկին գլխավոր դատախազի գործունեությանը ենթադրյալ միջամտության առթիվ»,- գրել է «Կլիմենկո Թայմ» պորտալը:
Փաստաբանն այս դեպքերն անվանել է Ռադայի պատգամավոր Անդրեյ Դերկաչի նախաձեռնությունը:
2020 թվականի մայիսին Դերկաչը հրապարակել էր ձայնագրություններ, որոնք, նրա խոսքով, վկայում են Ուկրաինայի հինգերորդ նախագահ Պյոտր Պորոշենկոյի վրա Բայդենի ազդեցության մասին:
Տաթև Ֆռանգյան
