Կսահմանվի հարկ վճարողի օր. օրինապահ հարկ վճարողների խրախուսման համակարգ է ներդրվում. ՏԵՍԱՆՅՈՒԹ

Կառավարության այսօրվա նիստում ՊԵԿ նախագահ Էդվարդ Հովհաննիսյանը ներկայացրեց նախագծերի փաթեթ, որով առաջարկվում է լրացումներ կատարել ՀՀ ՊԵԿ Հարկային օրենսգրքում և ՀՀ Տոների և հիշատակի օրերի մասին օրենսգրքում:

«Հարկային օրենսգրքում լրացումներ կատարելու մասին նախագծի ընդունումը պայմանավորված է կառավարության կողմից որդեգրած հարկային կամավոր կարգապահության խրախուսման, օրինապահ հարկ վճարողների համար գործունության բարենպաստ պայմաններ ստեղծելու, ինչես նաև հարկային մարմիններ-հարկ վճարողներ գործընկերային հարաբերությունների առավել ամրապնդման համար անհրաժեշտ նորմատիվ հիմքերի ապահովման քաղաքականությամբ»,- նշեց ՊԵԿ նախագահը:

Հովհաննիսյանի խոսքով՝ նախագծով առաջարկվում է օրենքով ներդնել օրինապահ հարկ վճարողների խրախուսման համակարգ, իրականացնել հարկ վճարողների օրինապահ վարքագիծը խրախուսող միջոցառումներ, որպեսզի հարկային կարգապահությունը ընկալվի ոչ թե որպես պարտականություն, այլ նաև լինի շահավետ և գրավիչ: Տնտեսվարողների օրինապահության չափանիշները կսահմանվեն կառավարության կողմից:

ՀՀ Տոների և հիշատակի օրերի մասին օրենսգրքում փոփոխություններ կատարելու մասին նախագծով նախատեսվում է սահմանել Հարկ վճարողի օր:

«Հաշվի առնելով, որ 1992թ. ապրիլի 19-ին առաջին անգամ ընդունվել է «Հայաստանի Հանրապետությունում հարկերի մասին» ՀՀ օրենքը, որով, ըստ էության, Հայաստանի Հանրապետությունում ձևավորվել են հարկային համակարգը և վերջինիս սկզբունքները, հարկային մարմին և հարկ վճարող հարաբերությունները՝ առաջարկվում է հարկ վճարողի օր սահմանել ապրիլի 19-ը»,- ասաց Հովհաննիսյանը:

Մանրամասները՝ տեսանյութում: