16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ինչքան ունենք, էդքան ծախսում ենք. Հակոբ Բեգլարյանը` թանկացումների մասին
Քաղաքականություն
23.01.2018 | 12:10
Ազգային ժողովի «Հանրապետական» խմբակցության պատգամավոր, Տրնասպորտի և կապի նախկին նախարար Գագիկ Բեգլարյանի եղբայր Հակոբ Բեգլարյանը, որի աշխատանքային գործունեությունն Ազգային ժողովում սկսվում և ավարտվում է միայն քվեարկությունների ժամանակ կողմ կոճակը սեղմելով, այսօր խոհրդարանում հայտարարեց՝ թանկացումների ազդեցությունն իր ընտանիքում էլ նկատելի է:
Պատգամավորը նախ սովորության համաձայն, տեսնելով լրագրողներին փորձեց խուսափել, այդուհանդերձ Factor.am-ին հաջողվեց մի քանի հարց ուղղել նրան:
-Ի՞նչ քայլեր պետք է իրականացնի Հանրապետականը, որպեսզի մեղմի թանկացումների հետևանքները:
-Պետք է աշխատել, ամեն ինչ անել:
-Ի՞նչ պետք է անել կոնկրետ:
-Ամեն ինչ:
-Ի՞նչ խորհուրդ կտաք սոցիալապես անապահով խավին՝ մինչ հանրապետականը կփորձի մեղմել թանկացումների հետևանքները:
-Պետք է մեր տնտեսությունը զարգացնենք, ժողովուրդը պետք է լավ ապրի, և մեր կուսակցությունն ամեն ինչ անելու է, որպեսզի այս բոլոր ճգնաժամերից դուրս գանք:
-Իսկ հիմա ինչո՞ւ չի ստացվում ձեր կուսակցության մոտ:
-Արվում ա և շատ լավ ա արվում:
-Այդ դեպքում քաղաքացիներն ինչո՞ւ են դժգոհ:
-Դժգոհություն ամեն տեղ էլ կա և՛ մեր մոտ, և՛ ավելի զարգացած երկրներում:
-Ձեզ վրա այս թանկացումներն ազդե՞լ են:
-Բոլորի վրա են ազդել, ոչ թե միայն մեկի կամ երկուսի:
Մանրամասները՝ տեսանյութում:
Շողիկ Գալստյան
