20.05.2026 | 15:40
Նաիր Թիկնիզյանը ճանաչվել է Սերբիայի առաջնության լավագույն ձախ պաշտպան
Տնօրեն ընտրողներին հարց ենք տվել՝ դպրոցից գաղափար ունե՞ք. Աբովյանի թիվ 1 դպրոցի ուսուցչուհի. ՏԵՍԱՆՅՈՒԹ
Հասարակություն
25.01.2021 | 15:18
Աբովյան քաղաքի Խաչատուր Աբովյանի անվան թիվ 1 ավագ դպրոցի կոլեկտիվը բողոքի ակցիա է անում Կրթության, գիտության, մշակույթի և սպորտի նախարարության դիմաց՝ դժգոհություն արտահայտելով դպրոցում տնօրենի ընտրությունների հետ կապված:
«Մենք պահանջում ենք, որ մեր դպրոցի տնօրենը չփոխվի, քանի որ նա վատ աշխատող չի եղել և տարիքային սահմանափակում չունի ու կարող է շարունակել կատարել դպրոցի տնօրենի պարտականությունները»,-լրագրողների հետ զրույցում ասաց մաթեմատիկայի ուսուցչուհի Անահիտ Սողոմոնյանը:
Դպրոցի տնօրենի ընտրություններն արդեն կայացել են։ Դպրոցի խորհրդի անձնակազմի 4 անդամը ներկայացնում են դպրոցը, իսկ մյուս 4-ը՝ նախարարությունը։ Դպրոցի տնօրենի մրցույթին մասնակցել են երկու թեկնածու, մեկը գործող տնօրեն Մետաքսյա Բաբայանը, մյուսը՝ Աբովյան քաղաքի 10-րդ հիմնական դպրոցի հայոց լեզվի ուսուցչուհին։ Թեկնածուներն ստացել են հավասար ձայներ: Տնօրենի ընտրության վերջնական որոշումը պետք է կայացնի ԿԳՄՍ-ն:
«Տնօրեն ընտրողներին հարց ենք տվել՝ դպրոցից գաղափար ունե՞ք»,- նշեց Սողոմոնյանը: -Նրանք մինչև տնօրենի ընտրությունները ընդհանրապես մեր դպրոց չեն մտել:
Մանրամասները՝ տեսանյութում:
