16.12.2025 | 11:35
Արցախից տեղահանված քանի անձ է ՀՀ քաղաքացիություն ստացել․ փոխնախարարը թվեր ներկայացրեց
Լիլիթ Մակունցը կարող է լավ դեսպան լինել. Արփի Դավոյան. ՏԵՍԱՆՅՈՒԹ
Քաղաքականություն
25.01.2021 | 13:46
«Նման խոսակցություններ գալիս են տարբեր շահագրգիռ շրջանակների կողմից և դրանք լինում են հիմնականում ցանկացած նշանակման վերաբերյալ։ Այս մասին լրագրողների հետ զրույցում ասաց ԱԺ «Իմ քայլը» խմբակցության պատգամավոր Արփի Դավոյանը՝ անդրադառնալով Լիլիթ Մակունցին ԱՄՆ-ում ՀՀ դեսպան նշանակելու վերաբերյալ տարբեր մասնագետների բացասական կարծիքներին։
Ի՞նչ արժանիքների համար Լիլիթ Մակունցը կարող է դեսպան նշանակվել՝ հաշվի առնելով, որ նա չունի համապատասխան դիվանագիտական փորձ: Անդրադառնալով այս հարցին՝ պատգամավորը նշեց, որ չի կարող որևէ հստակ բան ասել:
«Եթե կա նման որոշում, կմեկնաբանվի, կմանրամասնվի, թե ինչի համար է նման որոշումը։ Տիկին Մակունցը մեկնաբանել է իր հավանական նշանակման մանրամասները, իսկ երբ կլինի նման նշանակում, ավելի մանրամասն կխոսվի դրա մասին։ Խմբակցության ներսում այդ մասին քննարկում չի եղել, և տեսանք, թե այդ քննարկումը որտեղից սկսվեց։ Կարծում եմ՝ իմաստ չունի երկար խոսել մի բանի մասին, որի մանրամասները դեռ հայտնի չեն»,- ասաց Արփի Դավոյանը։
Պատգամավորը նշեց նաև, որ չի կարող ասել, թե ով ինչպիսի կադր կարող է լինել որպես դեսպան, որովհետև դա ժամանակը ցույց կտա: Այնուամենայնիվ նա կարծիք հայտնեց, որ Մակունցը լավ կադր է․ «Կարծում եմ՝ նա կարող է լինել լավ դեսպան։ Մանրամասները կասեմ, երբ կլինի նշանակումը»։
Անդրադառնալով դիտարկմանը, որ վարչապետը թերագնահատում էր դեսպանների աշխատանքը՝ նշելով, որ լավ չեն աշխատում, դիվանագիտական փորձ չունեն և պետք է կարևորվի այդ փորձը, իսկ այս նշանակումը հակասում է նրա այդ հայտարարությանը, Արփի Դավոյանը նշեց․ «Տիկին Մակունցը երեկ իր հարցազրույցում ասաց, որ կարևոր դեր է կատարել նաև խորհրդարանական դիվանագիտության փորձը»։
Հարցին, թե իշխանությունները գործող դեսպանի աշխատանքում թերացում կամ այլ խնդիր տեսնում են արդյոք, պատգամավորը պատասխանեց. «Չեմ կարծում»: Իսկ թե դեսպանին փոխելու պատճառը որը կարող է լինել, Դավոյանը նշեց. «Մանրամասների չի տիրապետում»:
Մանրամասները՝ տեսանյութում:
