12.01.2025 | 18:04
ՀՀ ԱԳՆ-ն ամփոփել է 2024թ․-ին հյուպատոսական ծառայություններում արձանագրված փոփոխությունները
Եթե վարչապետն ասել է՝ վնգստացող դատավորներ կան, ուրեմն հիմքեր ունեցել է. ԲԴԽ անդամի թեկնածու. ՏԵՍԱՆՅՈՒԹ
Քաղաքականություն
22.01.2021 | 15:33
«Ծառը ճանաչվում է պտուղով»,- ԱԺ-ում լրագրողների հետ զրույցում այս մասին ասաց Բարձրագույն դատական խորհրդի անդամի թեկնածու Դավիթ Խաչատուրյանը՝ անդրադառնալով դիտարկմանը, թե ընդդիմության կարծիքով՝ իշխանություններն իրենց գործուղել են ԲԴԽ՝ հետագայում տարբեր հարցերով ցանկալի արդյունք ունենալու համար
«Մենք դեռ պետք է աշխատենք, որ այդ ամեն ինչի մասին պնդումները հիմնավորեն կամ՝ ոչ։ Ես էլ հակառակը կասեմ՝ ժողովրդի մոտ ոչ մի հիմնավոր ապացույց չկա այդ մասին: Մինչև այդ մարդը չգնա, չաշխատի և որոշումներ չկայացնի, մենք չենք կարող ապագային միտված կանխատեսումներն ընդունել որպես փաստ և տալ գնահատականներ»,- նշեց Խաչատուրյանը։
Անդրադառնալով հարցին, թե իր կարծիքով՝ կա՞ն պատերի տակ վնգստացող դատավորներ, ինչպես հայտարարել էր Նիկոլ Փաշինյանը, Խաչատուրյանը պատասխանեց. «Դա քաղաքական համատեքստում արված հայտարարություն էր, ես հիմա չեմ ուզում դրան պատասխանել։ Ես չեմ ուզում քաղաքական հայտարարություններ մեկնաբանել, ես հավակնում եմ մասնագիտական աշխատանք կատարել»։
«Պատրաստվում է գնալ մի համակարգ, որի մասին վարչապետն արտահայտվելիս տվել է «վնգստացող» գնահատականը»,- այս դիտարկմանն ի պատասխան՝ Դավիթ Խաչատուրյանը պատասխանեց. «Եթե ասել է, ուրեմն, ենթադրում եմ, որ հիմքերն ունեցել է»։
Մանրամասները՝ տեսանյութում:
