18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Աննորմալ երևույթ է, պաշտպանական իրավունքի չարաշահում․ Ջհանգիրյանը՝ Մարտի 1-ի գործի քննության ձգձգման մասին. ՏԵՍԱՆՅՈՒԹ
Հասարակություն
22.01.2021 | 14:41
«Մարտի մեկի դատավարությունը դոփում է տեղում, ըստ ձեզ, ո՞րն է ձգձգման պատճառը։ Չեք կարծո՞ւմ, որ արհեստական ձգձգումները կարող են վատ նախադեպ դառնալ»,- դիմելով ԲԴԽ անդամի թեկնածու Գագիկ Ջհանգիրյանին՝ հարցրեց «Իմ քայլի» պատգամավոր Արուսյակ Ջուլհակյանը։
Ջհանգիրյանը պատասխանեց, որ այդ հարցի հետ կապված մտահոգությունները լիովին կիսում է։ «Եթե չեմ սխալվում, տարուց ավելի է, որ նախապատրաստական նիստի փուլը չի ավարտվել, չենք կարողանում մուտք գործել բուն դատաքննության փուլ։ Բացի կալանքի և այլ միջնորդություններից՝ այլ հարց չի քննարկվում։ Երևում է, որ դա պաշտպանական մարտավարություն է։ Թե ինչ նպատակ են հետապնդում, կարծում եմ՝ հասկանալի է։ Անգամ չարժի պատասխանել։ Բայց դա աննորմալ երևույթ է։ Չեմ հիշում 90-ականներից ի վեր մի դատաքննություն, որի նախապատրաստական փուլը մի քանի ամսից ավելի տևի։ Լուրջ մտորելու տեղիք կա։ Լուծում հիմա չեմ կարող առաջարկել, բայց որ այդ գործընթացը չափից ավելի արհեստական ձգձգվում է, դա պաշտպանության իրավունքի չարաշահում է։
Դատարանն ու մեղադրողները բարեխղճորեն հանդուրժում են դա, բայց պաշտպանության իրավունքի չարաշահման սահմանը վաղուց անցել է»։
Մանրամասները՝ տեսանյութում:
