18.04.2026 | 10:23
Վաղը Նուբարաշենից Բարձրաշեն ճանապարհը ժամանակավորապես կփակվի
Մեր երկրում հաստատվել է դատարանների նախարարություն, բուրգ, որը ինչ-ինչ բարեփոխումներով մինչ օրս գործում է․ ԲԴԽ անդամի թեկնածու. ՏԵՍԱՆՅՈՒԹ
Հասարակություն
22.01.2021 | 13:00
ԱԺ-ում հրավիրվել է արտահերթ նիստ: Օրակարգում Բարձրագույն դատական խորհրդի անդամի թեկնածուներ Գագիկ Ջհանգիրյանի և Դավիթ Խաչատուրյանի ընտրության հարցն է: Թեկնածուներին առաջադրել է «Իմ քայլը» խմբակցությունը:
Ջհանգիրյանն իր ելույթում անդրադարձավ ԲԴԽ-ի խնդիրներին։
«ԲԴԽ հիմնական առաքելությունը դատավորների և դատարանների անկախության երաշխավորումն է։ Այստեղից հետևում է, որ այդ մարմինը պետք է լինի անկախ, գործի անկախ, որպեսզի կարողանա երաշխավորել դատարանների և դատավորների անկախությունը»,-նշեց Ջհանգիրյանը՝ հավելելով, որ խորհրդի սահմանադրական և օրենսդրական երաշխիքները բավարար են մարմնի անկախ գործունեությունը ապահովելու համար:
Ջհանգիրյանն անդրադարձավ նաև ստորադաս դատարանների անկախությանը վերադաս դատարաններից հարցին։ Նրա խոսքով՝ ստորադաս դատարանները ֆունկցիոնալ առումով կախված են վերադաս դատարաններից։
«2007-ին ընդունված դատական օրենսգիրքը, ըստ էության, մեր երկրում հաստատել է դատարանների նախարարություն, դատարանների բուրգ՝ վերից վար խիստ ենթակայությամբ։ Բուրգի գլխին նստած պաշտոնատար անձը, կարողանում է պարտադրել ստորադաս դատարանների դատավորներին իրեն ցանկալի որոշում կայացնել։ Օրենսգիրքը հստակ գործեց 2008 թվականի մարտի դեպքերի ժամանակ, երբ հարյուրավոր մարդիկ անհիմն, հորինած, մոգոնած մեղադրանքներով ազատազրկման դատապարտվեցին, կալանավորվեցին և այլն։ Կարծում եմ՝ այդ բուրգը, ինչ-ինչ բացառություններով, մինչև օրս գործում է»,- ընդգծեց Ջհանգիրյանը:
Նրա կարծիքով՝ գործող դատական համակարգը հնի ժառանգորդն է և իներցիայով շարժվում է առաջ։ «Գործող Սահմանադրությունը հնարավորություն է տալիս մաքրելու, զտելու դատական համակարգը և այդ հնարավորությունից պետք է օգտվել»,- նշեց ԲԴԽ անդամի թեկնածուն:
Մանրամասները՝ տեսանյութում։
