17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
Հակակոռուպցիոն կոմիտեի նախագահին պետք է նշանակի ոչ թե վարչապետը, այլ Ազգային ժողովը․ Արթուր Սաքունց. ՏԵՍԱՆՅՈՒԹ
Քաղաքականություն
21.01.2021 | 15:30
Կառավարությունը ձեռնամուխ է եղել կոռուպցիայի դեմ պայքարի նոր՝ միասնական մարմնի ստեղծմանը, որը պետք է կենտրոնանա միայն կոռուպցիոն հանցագործությունների քննման ուղղությամբ և որն իրականացնելու է նաև օպերատիվ-հետախուզական գործունեություն։
«Հակակոռուպցիոն բարեփոխումների արդյունավետության և խնդիրների» թեմայով քննարկման ժամանակ Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը նշեց, որ այս նոր մարմինների ձևավորման ընթացքում հանրային լայն իրազեկում պետք է ապահովել և վստահելիության ապահովման համար բոլոր առաջարկները պետք է քննվեն:
«Հակակոռուպցիոն կոմիտեի նախագահին պետք է նշանակի ոչ թե վարչապետը, այլ Ազգային ժողովը»,- ընդգծեց իրավապաշտպանը:-Կոմիտեի գործունեությունը պետք է գնահատվի կոմիտեի նախագահի զեկույցով: Նման իրավապահ մարմինների ուղղակի ենթակայությունը վարչապետին չի երաշխավորում նրանց անկախությունը և հանրային վստահությունը. սա օրինաչափություն է:
Մի մարմին, որը պաշտոնատար անձանց կատարած հանցագործություններով է զբաղվելու, նրա գործունեության նկատմամբ խորհրդարանի վերահսկողությունը այդ մարմնի անկախության երաշխիք է»:
Մանրամասները՝ տեսանյութում:
