29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ձեր կամավորական ջոկատը, ի վերջո, տեղ հասա՞վ, թե՞ չէ․ Փաշինյանը՝ ԲՀԿ-ական պատգամավորին. ՏԵՍԱՆՅՈՒԹ
Քաղաքականություն
20.01.2021 | 18:18
Այսօր՝ հունվարի 20-ին, ԱԺ-Կառավարություն հարցուպատասխանի ժամանակ ԲՀԿ խմբակցության պատգամավոր Արայիկ Աղաբաբյանը նշեց, որ ինքը մասնակցել է բոլոր պատերազմական գործողություններին. «Վերջին 44-օրյա պատերազմը ինձ համար շատ անհասկանալի էր կամ հենց շատ լավ էլ հասկանալի բեմադրություն էր, այն շատ լավ կազմակերպված անկազմակերպվածություն էր: Ամեն ինչի պատասխանը ես ունեմ ականատեսի աչքերով: Պարզ էր, որ այս իշխանությունները եկել էին Արցախը հանձնելու համար, իսկ նախորդ իշխանությունների մեղքը իշխանությունը հանձնելն էր: Ի՞նչն է ձեզ պահում, դեռ բանավոր պայմանավորվածություններ կա՞ն, որ դեռ ձեզ պահում են աթոռին»:
Ի պատասխան վարչապետն ասաց. «Այդ դեպքում ինչու էր ձեր կուսակցությունը մաս կազմում այդ իշխանությանը, որը եկել էր Արցախը հանձնելու: Գնացեք բացատրություններ և ցուցմունքներ տվեք: Ձեր կամավորական ջոկատը, ի վերջո, տեղ հասա՞վ, թե՞ չէ: Ոչ: Ձեր կամավորական ջոկատը այդպես էլ մնաց հեռուստատեսային գովազդ»:
Պատգամավորը արձագանքեց, որ ներկայացվածը չի եղել ջոկատ, այլ եղել է հոտնկայս խորհրդակցություն:
Մանրամասները՝ տեսանյութում:
