Քաղաքականություն
19.01.2021 | 12:08Ազգային ժողովում քննարկվում է մետաղական հանքարդյունաբերության հարցերով քննիչ հանձնաժողովի զեկույցը:
«Ձեր բացահայտումներում եղե՞լ են առերևույթ հանցագործության տարրեր, որոնցով դիմել եք իրավապահ մարմիններին»,- զեկույցը ներկայացնող Սերգեյ Բագրատյանին հարցրեց «Իմ քայլի» պատգամավոր Սարգիս Խանդանյանը:
Պատգամավորը հետաքրքրվեց, թե ինչպիսի օրենսդրական նախաձեռնությունների կարիք կա:
Ի պատասխան Սերգեյ Բագրատյանը մեկ դրվագ ներկայացրեց. «Մենք ունենք խնդիր, որ «Լիդիան Արմենիան» 2500 ջահ է ներկրել, և չունենք դրա ապացուցողական հիմքը, որովհետև մաքսային մարմինները մեզ չեն տալիս հստակ տվյալներ»:
«Ծառայության ղեկավարը հրավիրվել է քննիչ հանձնաժողով, բայց չի եկել: Պետք է մեխանիզմ գտնել, որ քննիչ հանձնաժողով չներկայանալու դեպքում պաշտոնյան պետք է աշխատանքից ազատված համարվի, որովհետև մենք պետության համար կարևոր խնդիրներ ենք լուծում: Բարձրաստիճան պաշտոնյան որ արհամարհի քննիչ հանձնաժողովին, մենք ի՞նչ կարող ենք պահանջել մասնավոր ընկերություններից, որոնք ասում են՝ մենք պարտավորություն չունենք ինֆորմացիա տրամադրելու: Մենք պետք է մեխանիզմ գտնենք, որ ինֆորմացիա տրամադրեն՝ իհարկե պահելով նաև առևտրային գաղտնիքը»:
Մանրամասները՝ տեսանյութում:
