17.09.2026 | 14:07
Մի աղջիկ գրել է՝ ուզում է հաջորդ դաշնակցականներից լինել Քրիստինե Վարդանյանից հետո, ապրեք Արման Եղոյան․ ՏԵՍԱՆՅՈՒԹ
ԱԺ-ն ընդունեց երաշխավորության ինստիտուտը փոփոխող նախագիծը
Հասարակություն
19.01.2021 | 12:00
ՀՀ ազգային ժողովը երկրորդ ընթերցմամբ և ամբողջությամբ ընդունեց «Լուսավոր Հայաստան» խմբակցության կողմից ներկայացված օրենքի նախագիծը, որով փոփոխվում է երաշխավորության ինստիտուտը:
ՀՀ քաղաքացիական օրենսգրքում փոփոխություններ և լրացումներ կատարելու մասին օրենքի նախագիծը ստացավ 115 «կողմ», 4 «ձեռնպահ» ձայներ:
Նախագծի հիմնական թիրախը երաշխավորության ինստիտուտի փոփոխությունն է: Վարկային հարաբերությունների ներկայիս պայմաններում լայնորեն կիրառվում է միայն համապարտ երաշխավորության պրակտիկան, որը հատկապես վերաբերում է ֆիզիկական անձանց: Դա հանգեցրել էր այն իրավիճակին, որ բանկերն ու վարկային կազմակերպությունները հիմնականում միաժամանակ պահանջ են ներկայացնում ոչ միայն հիմնական պարտապանին, այլ նաև համապարտ պատասխանատվություն կրող երաշխավորին, ինչի հետևանքով խնդիրներ էին առաջանում:
Այս նախագծով սահմանվում է, որ պարտապանի կողմից երաշխավորությամբ ապահովված պարտավորությունը չկատարելու կամ ոչ պատշաճ կատարելու դեպքում անհատ ձեռնարկատեր չհանդիսացող ֆիզիկական անձ երաշխավորը պարտատիրոջ առջև կրում է սուբսիդիար պատասխանատվություն: Այսինքն՝ բռնագանձման պահանջ կներկայացվի նախ վարկառուին, ապա երաշխավորին:
