11.09.2026 | 16:50
ՀԷՑ-ի մասով մի անհանգստացեք. ՀէՑ-ը կվերադառնա իր օրինական տիրոջը. Սամվել Կարապետյան. ՏԵՍԱՆՅՈՒԹ
Հետմահու Ազգային հերոսի կոչման արժանացած հրամանատարն այսօր կդառնար 44 տարեկան. ՏԵՍԱՆՅՈՒԹ
Հասարակություն
18.01.2021 | 18:09
Հերոս հրամանատար Վահագն Ասատրյանի ծննդյան օրը նրա հարազատներն ու ընկերները հավաքվել էին Եռաբլուրում։ Այսօր նա կդառնար 44 տարեկան։ Ասատրյանն Արցախյան վերջին պատերազմի ժամանակ մարտական գործողության ընթացքում՝ հոկտեմբերի 12-ին զոհվեց։
Հայրենիքի պաշտպանության եւ անվտանգության ապահովման գործում մատուցած բացառիկ ծառայությունների, մարտական գործողությունների ընթացքում ցուցաբերած անձնուրացության եւ անմնացորդ նվիրումի համար գնդապետ Վահագն Ասատրյանը հետմահու պարգեւատրվել է Հայրենիքի շքանշանով՝ արժանանալով Հայաստանի Ազգային հերոսի բարձրագույն կոչմանը:
Գնդապետ Ասատրյանը ռազմական հինգ բուհ է ավարտել։ Մտերիմները պատմում են՝ Մոնթեի գաղափարախոսության կրողն էր, ճանաչել ու շփվել է սպարապետ Վազգեն Սարգսյանի հետ։ Հիմա էլ շիրիմը սպարապետի ու Մոնթեի կողքին է։
Վահագն Ասատրյանը երկու անչահափաս որդի ունի։ Ավագ որդին խոսել չցանկացավ, միայն ասաց՝ կյանքում պատգամ ունի, որն անվերապահ կատարելու է։
Ասատրյանը որպես զինվորական եղել է պահանջկոտ, բայց, միևնույն ժամանակ, ընկերասեր ու բարի։ Նրա զինվորներն ու ծառայակից ընկերներն առանց հուզմունքի չեն կարողանում հիշել հրամանատարի սխրանքները։
Ասատրյանը զինվորին մենակ երբեք չի թողել, ամենաթեժ կետերում էլ եղել է նրանց կողքին։ Նա բանակին ու հայրենիքին ծառայելուն նվիրել է կյանքի 23 տարիները։
Մանրամասները՝ տեսանյութում։
Լիլիթ Շաբոյան
