15.12.2024 | 12:21
Հրդեհ` Երևանի հյուրանոցներից մեկում. դեպքի վայր են մեկնել 6 մարտական հաշվարկ
ԼՂ կարգավիճակի հարցով կզբաղվի նաև ԵԱՀԿ Մինսկի խումբը, ու ոչ մի գաղտնի լրացում եռակողմ հայտարարությանը. Լավրով
Քաղաքականություն
18.01.2021 | 15:36
ԼՂ կարգավիճակի հարցը գիտակցաբար չի հիշատակվել նոյեմբերի 9-ի հայտարարության մեջ։ Այս մասին հայտարարել է Սերգեյ Լավրովը՝ պատասխանելով ԼՂ կարգավիճակի վերաբերյալ լրագրողի հարցին։
«Տարածքը, որտեղ տեղակայված են ռուս խաղաղապահները, հանդիսանում է ռուսական խաղաղապահ կոնտինգենտի պատասխանատվության գոտի։ Հենց այս տեսանկյունից էլ մենք գործում ենք Երևանի ու Բաքվի հետ մեր շփումների ժամանակ»,- ասել է Լավրովը՝ նշելով, որ ԼՂ կարգավիճակի հարցով կզբաղվի նաև ԵԱՀԿ Մինսկի խումբը։
«Նրանք այժմ վերսկսում են իրենց շփումները կողմերի հետ, պատրաստվում են ևս մեկ անգամ այցելել տարածաշրջան»,- նշել է նա։
Ռուս նախարարը նաև հայտարարել է, որ ոչ մի գաղտնի լրացումներ չկան Ռուսաստանի, Ադրբեջանի ու Հայաստանի միջև եռակողմ հայտարարությանը։
Դիվանագետը նաև հավելել է, որ ԼՂ կարգավիճակի հարցի քննարկումը հնարավոր կդառնա ապագայում և այդ հարցին դեռ անդրադարձ կլինԻ, սակայն այժմ այն ժամանակից շուտ կլինի։
«Հուսով եմ, որ հիմա հույզերը հետին պլան կմղվեն: Ի դեպ, հենց սա է պատճառը, որ հիմա ամենալավ ժամանակը չէ Լեռնային Ղարաբաղի կարգավիճակի թեման որպես առաջնահերթություն առաջադրելու համար, այն մնում է ապագային։ Իսկ կարգավիճակի հարցին դեռ պետք է անդրադառնալ։ ԳլխավորՆ այն է, որ արդյունքում կարգավիճակի վերաբերյալ լինեն կոնկրետ, հանգիստ ու իրավական քննարկումներ Հայաստանի ու Ադրբեջանի միջև այն բարիդրացիական հարաբերության հիմքում, որը մենք պետք է վերականգնենք տարածաշրջանում», – եզրափակել է նա:
Տաթև Ֆռանգյան
