18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ինչո՞ւ Բերձորի բնակչները գումարային աջակցություն չեն ստանում․ մեկնաբանում է Վիրաբյանը. ՏԵՍԱՆՅՈՒԹ
Հասարակություն
18.01.2021 | 14:01
Ինչո՞ւ Բերձորի բնակչները գումարային աջակցություն չեն ստանում: ՀՀ-ում Արցախի Հանրապետության կառավարության օպերատիվ շտաբի աշխատանքները համակարգող, Արցախի նախագահի գլխավոր խորհրդական Միքայել Վիրաբյանն այսօր հրավիրված ասուլիսում անդրադառնալով այս հարցին, նշեց, որ քաղաքական առումով չի ուզում պատասխանել այդ հարցին, իսկ սոցիալ-տնտեսական առումով այդ հարցը լուծվել է:
Արցախի Բերձոր, Աղավնո, Ներքին Սուս համայնքի բնակիչներին գումարային աջակցություն տրամադրելու հարցը կարգավորվել է, 250 հազար դրամի չափով աջակցության ծրագիրը կվերաբերի նաև նրանց:
«Համապատասխան ցուցակների կազմումը կատարվում է Արցախի տարածքային կառավարման նախարարության կողմից՝ հիմք ընդունելով տվյալ շրջանների վարչակազմի, գյուղապետերի տված տեղեկանքներն ու ցուցակները: Խոսքը վերաբերում է հաշվառված լինելուն և փաստացի բնակվելուն: Այն ընտանիքներին, որոնց տները թշնամու տիրապետության տակ են մնացել, նախատեսված է 300 հազար դրամ, Արցախում իրենց տունը կորցրածներին՝ 250 հազար դրամ: Հիմա Բերձորի, Աղավնոյի և Ներքին Սուսի բնակիչների դեպքում սահմանվել է 250 հազար դրամի չափով աջակցություն, քանի որ այդ համայնքները թշնամու տիրապետության տակ չեն»,- ասաց Վիրաբյանը:
Մանրամասները՝ տեսանյութում:
