18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Հայաստանը պետք է հայտարարի, որ դադարեցնում է քաղաքական քննարկումները Ադրբեջանի հետ. Բաբաջանյանը՝ Ալևի հայտարարության առնչությամբ. ՏԵՍԱՆՅՈՒԹ
Քաղաքականություն
18.01.2021 | 11:42
Ես հույս ուներ, թե այս տարվա առաջին նիստում կքննարկվեր պարտության համար բոլորի պատասխանատվության հարցը և հայ ժողովրդի բոլոր հատվածների վաղվա անելիքների վերաբերյալ ԱԺ բանաձև-հայտարարության բանաձևը»- այս մասին ԱԺ այսօրվա նիստում նշեց ԱԺ անկախ պատգամավոր Արման Բաբաջանյանը:
«Այս պայմաններում Ալիևը այցելում է Շուշի և հայտարարում, որ ԼՂՀ այլևս գոյություն չունի, իսկ այդ մասին խոսողներին սպասվում է երկաթե բռունցքի ևս մեկ հարված: Հայաստանի որևէ իշխանավոր հանդես չի եկել հայտարարությամբ, որ այս պատերազմական հանցագործի հայտարարությունն ամբողջությամբ հակասում է նոյեմբերի 9-ին ընդունված եռակողմ հայտարարությանը: Ալիևի այս հայտարարությունը անարձագանք է մնացել ՀՀ վարչապետի, ԱԳ նախարարի, ԱԺ-ի կողմից»,- նշեց Բաբաջանյանը:
Պատգամավորի կարծիքով` Հայաստանը պետք է անհապաղ հայտարարի, որ դադարեցնում է բոլոր քաղաքական քննարկումները Ադրբեջանի հետ մինչև Ալիևը ներողություն չխնդրի. «Մինչդեռ 16 ուժերը` Վազգեն Մանուկյանի գլխավորությամբ, ռուսական լրատվամիջոցներին շտապ-շտապ հայտարարություններ են անում, որ Հայաստանը ոչ մի ռևանշի նպատակ չունի` հանգստացնելու համար Ալիևին և նաև նրանց, ովքեր փորձել էին Հայաստանի ջախջախմամբ հասնել նոյեմբերի 9-ին և հունվարի 11-ին: Հայաստանը պետք է օր առաջ գտնի ինք զինքը և նոր գործընկերների աջակցությամբ կարողանա ի մի բերել դիմադրելու կարողությունը»:
«Հարգելի իշխանություն, մի՛ վախեցեք «ռևանշ» բառից, և ոչ հարգելի ընդդիմություն, մի սարսափեք «ռևանշ» բառից: Հայաստանը գնալու է ռևանշի` ձեզ հետ, թե առանց ձեզ: Այդ ռևանշը Հայաստանի արդիականացումն է, ՀՀ ինքնիշխանության և սուբյեկտայնության ամրապնդումը: Չկա այլ ճանապարհ»,- ընդգծեց պատգամավորը:
Մանրամասները՝ տեսանյութում:
