17.09.2026 | 19:38
Մինսկի փողոցում սեպտեմբերի 18-ից կկազմակերպվեն հետիոտնային անցում և հասարակական տրանսպորտի կանգառներ
ԱԱԾ-ն անդրադարձել է Միքայել Մինասյանի՝ Արարատ Միրզոյանի գործակալ լինելու մասին հրապարակմանը
Հասարակություն
17.01.2021 | 00:35
ՀՀ Ազգային անվտանգության ծառայությունը պաշտոնապես տեղեկացնում է, որ Վատիկանում ՀՀ նախկին դեսպան Միքայել Մինասյանի կողմից հրապարակված ՀՀ Ազգային ժողովի նախագահ Արարատ Միրզոյանի՝ հատուկ ծառայությունների գործակալ լինելուն և տարածված այլ փաստաթղթերին վերաբերող տեղեկությունն ակնհայտ սուտ է ու իրականության հետ որևէ աղերս չունի: Այս մասին նշվում է ԱԱԾ տարածած հաղորդագրության մեջ։
Հիշեցնենք, որ ավելի վաղ Սերժ Սարգսյանի փեսա, Վատիկանում նախկին դեսպան Միքայել Մինասյանը հայտնել էր, թե ԱԺ նախագահ Արարատ Միրզոյանը եղել է Թուրքիայի գործակալ։ Ըստ Մինասյանի՝ Միրզոյանը Թուրքիայի հատուկ ծառայությունների հետ համագործակցել է 2005-ից, որը բացահայտվել է ՀՀ ԱԱԾ-ի կողմից 2007 թվականին և Միրզոյանը սկսել է համագործակցել Հայաստանի հատուկ ծառայությունների հետ։
Միքայել Մինասյանի մեղադրանքներին անդրադարձել էր նաեւ Արարատ Միզոյանը։
«Միքայել Մինասյանի հերթական ցնդաբանությունը պետք է արժանանա պատշաճ քրեաիրավական գնահատականի և Մինասյանը պետք է պատասխան տա նաև այս սուտ մատնության համար»,- Ֆեյսբուքի իր էջում գրել է ԱԺ նախագահը։
