22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Սիրիական համ ու հոտ, նաև՝ ժպիտներ Հայաստանում․ կյանքը՝ պատերազմից պատերազմ․ ՏԵՍԱՆՅՈՒԹ
Հասարակություն
16.01.2021 | 19:02
Հասցե՝ Նալբանդյան 3/3։ Հալեպի շուկա։ Այսպես է կոչվում մետրոյի «Հանրապետության հրապարակ» կայարանի հարևանությամբ գտնվող գետնացումը, որտեղ, սակայն, փակ տաղավարներն արդեն ավելի շատ են, քան բացերը։ Բաց տաղավարներից մեկն ենք մտնում․ այստեղ կարելի է գտնել սիրիական համ ու հոտ, նաև՝ ժպիտներ։
Արփի Հայրապետյանը 2015 թվականին Հայաստան է փոխադրվել ընտանիքի հետ՝ ամուսնու և 2 երեխայի։ Նրանք արդեն ուսանող են։ Հայաստանում հաստատվելու սկզբնական շրջանում առանձին կազմակերպություններ են օգնել՝ սննդով, տան վարձը տրամադրելով։
Հիմա էլ վարձով են ապրում։ Ասում է՝ դժվար է հասցնել։ Բայց ամենադժվարը աշխատանք գտնելն է եղել։
Հայաստան տեղափոխվելուց մի քանի ամիս անց գտել է աշխատանք ՝ սննդի կետում, սակայն համավարակի պատճառով այն փակվել է։ Հետո շատ երկար էլի աշխատանք է փնտրել։ Արդեն 1 ամիս է՝ խանութում է աշխատում։
Հաճախորդները քիչ են, գնորդները՝ ավելի քիչ, հիմնականում՝ Սիրիայից վերադարձածներն են։ Համավարակը Արփիի ընտանիքի վրա միայն տնտեսապես է ազդել՝ ընտանիքից ոչ ոք չի վարակվել։ Ընդգծում է՝ հակահամաճարակային կանոնները խստագույն կերպով են պահպանում։
Մանրամասները՝ տեսանյութում։
Իրինա Մկրտչյան
Տեսանյութը պատրաստվել է Տեղահանված և տեղի բնակչության տնտեսական և սոցիալական մասնակցություն ծրագրի շրջանակում՝ Գերմանական միջազգային համագործակցության ընկերության (ԳՄՀԸ) աջակցությամբ ու Գերմանայի Տնտեսական համագործակցության և զարգացման պետական նախարարության, Վրաստանի Զավթված տարածքների, ներքին տեղահանվածների աշխատանքային, առողջապահական և սոցիալական հարցերով նախարարության և «Դոյչէ Վելլե» ակադեմիայի հետ համագործակցության շրջանակում։
ԳՄՀԸ–ն չի կրում որևէ պարտավորություն կամ պատասխանատվություն տվյալ նյութի հստակության, իրավունակության և վստահելիության հարցում։
