30.06.2026 | 19:43
Ադրբեջանում 16-ից փոքր տարիքի օգտատերերին կարգելվի գրանցվել սոցիալական ցանցերում
Հայաստանը կմասնակցի Մոսկվայում կայանալիք ծանրամարտի Եվրոպայի առաջնությանը
14.01.2021 | 15:05
Հայաստանի ծանրամարտի հավաքականները հունվարի 12-ից սկսած անցկացնում են տարվա առաջին ուսումնամարզական հավաքը:
Ինչպես հայտնում է Հայաստանի ազգային օլիմպիական կոմիտեի մամուլի ծառայությունը, տղամարդկանց հավաքականը գալիք մրցաշրջանին պատրաստվում է Ծաղկաձորում, իսկ կանանց ընտրանին՝ Օլիմպավանում: Երկուական մարզիչների ղեկավարությամբ պարապող մեր թիմերում ընդգրկված են մոտ 40 մարզիկ–մարզուհի:
Փետրվարի 1–7–ը տեղի կունենա ծանրամարտի Հայաստանի առաջնությունը: Դրան կհաջոոդեն դարձյալ հավաքներ և մարզումներ, որոնց ընթացքում մարզիչները կընտրեն այն ծանրորդներին, ովքեր մեր երկիրը կներկայացնեն Մոսկվայում ապրիլի 1–ին մեկնարկելիք Եվրոպայի առաջնությունում: Այդ մրցաշարը վարկանիշային է և ըստ մրցակարգի դրան պետք է մասնակցեն բոլոր այն մարզիկները, որոնք օլիմպիական խաղեր մեկնելու համար պարտավոր են մասնակցել վարկանիշային առնվազը 6 մրցաշարի:
Հայաստանի տղամարդկանց հավաքականի գլխավոր մարզիչ Փաշիկ Ալավերդյանն ասել է, որ ըստ էության, մեր երկիրը մոսկովյան ստուգատեսում կներկայացնեն 10 տղամարդ և 5 կին:
