16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Եթե մենք պնդենք, որ ապրանքների վրա չլինի ադրբեջանական գրություն, ապա գնաճը կդառնա 10 տոկոս. Քերոբյան. ՏԵՍԱՆՅՈՒԹ
Տնտեսություն
14.01.2021 | 13:36
Ես չեմ տարանջատում ներքին և արտաքին ներդրողներին, և այդ առումով կարող եմ ասել, որ կան շատ ներդրողներ, ամեն օր հանդիպում եմ մի քանի նման ներդրողի հետ և լուծում նրանց առջև ծառացած խնդիրները: Այս մասին, այսօր կառավարության նիստից հետո լրագրողների հետ ճեպազրույցի ժամանակ նշեց Էկոնոմիկայի նախարար Վահան Քերոբյանը:
Անդրադառնալով հարցին, թե երբ հանրությունը կտեսնի խոշոր ներդրում Հայաստանում, նախարարն արձագանքեց, որ հենց հիմա կարող են գնալ, և ինքը ցույց կտա 100 մլն-անոց ներդրում, խոսքը կառուցապատմամբ զբաղվող «Ռենշին» ընկերության մասին է:
Անդրադառնալով թուրքական և ադրբեջանական մակնշմամբ ապրանքների առկայությանը Հայաստանի շուկայում, նախարարն ասաց. «Տասնյակ տարիներ Հայաստանի շուկայում եղել են ապրանքներ, որոնց վրա եղել է թուրքական մակնշում, ադրբեջանական մակնշում, եղել են բազմաթիվ թուրքական ապրանանքներ և դա այն ժամանակ համարվել է նորմալ: Հիմա, եթե մենք պնդենք, որ «Սանդորան» կամ «Կոկա Կոլան» մեզ վաճառեն ապրանք, որոնց վրա չկա ադրբեջաներեն մակնշում, այդ ժամանակ գնաճը կբարձրանա և կդառնա 10 տոկոս, որովհետև այդ ընկերությունները պետք է փող ծախսեն և դա մտցնեն իրենց ապրանքի գնի մեջ»:
Ինչ վերաբերում է թուրքական ապրանքների ներկրման արգելքին, Վահան Քերոբյանն ասաց. «Այա պահին մենք հակված ենք լինելու երկարացնել թուրքական ապրանքների ներկրման արգելքը, եթե աշխարհաքաղաքական այնպիսի փոփոխություններ չլինեն, որոնց արդյունքում դա անհնար դառնա: Դա արվում է տեղական արտադրանքը պաշտպանելու համար»:
