16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Ճապոնիայի վարչապետի խորհրդականը համոզված չէ, որ կկարողանան անցկացնել Տոկիոյի օլիմպիական խաղերը
13.01.2021 | 15:43
Ճապոնական Suntory Holdings կորպորացիայի ղեկավար, երկրի վարչապետի տնտեսական հարցերով խորհրդական Թակեսի Նիինամին համոզված չէ, որ Ճապոնիան կկարողանա անցկացնել Տոկիոյի օլիմպիական խաղերը կորոնավիրուսային համաճարակի պատճառով։
«Ես վստահ չեմ, որ կկարողանանք անցկացնել Տոկիոյում Օլիմպիական խաղերը», – ասել է Suntory-ի ղեկավարը Reuters– ին տված հարցազրույցում:
Նա նշել է, որ որոշումը կկայացվի մարտի վերջին, քանի որ համաճարակի երրորդ ալիքը կարող է տևել մինչև փետրվարի վերջ կամ գարնան առաջին ամսվա սկիզբ: Հարցումների համաձայն, ճապոնացիների միայն 16% -ն է կողմ 2021 թվականի ամռանը խաղեր անցկացնելուն, 39% -ը կարծում է, որ օլիմպիական խաղերը պետք է կրկին հետաձգվեն, 38% -ը պնդում է չեղյալ հայտարարել խաղերը:
Հիշեցնենք՝ Օլիմպիական ու Պարօլիմպիկ խաղերը պետք է անցկացվեին 2020 թվականի ամռանը Տոկիոյում, սակայն համաճարակի պատճառով հետաձգվել էին մեկ տարով։ Ճապոնիան նախապատարստվում է խաղերին՝ ընդգծելով որ դրանք պետք է լինեն անվտանգ ու դառնան համաճարակի դեմ մարդկության հաղթանակի խորհրդանշանը։
Տաթև Ֆռանգյան
