08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Ուղիղ սպառնալիք է առաջացել Կապանի օդանավակայանի, դրա հարևանությամբ՝ Մ2 միջպետական ճանապարհի համար, որը Կապանը կապում է Երևանին․ ՀՀ ՄԻՊ. ՏԵՍԱՆՅՈՒԹ
Հասարակություն
12.01.2021 | 13:48
«Կան խնդիրներ ճանապարհների հետ կապված։ Օրինակ՝ Շուռնուխ գյուղը ճանապարհով բաժանված է 2 մասի, և գյուղի այն մասում, որը հայկական է, մեր խաղաղ բնակիչներն են, երեխաներ են խաղում, իսկ այն մասը, որն ադրբեջաական է, զինվորականներ են: Եվ ադրբեջանական կողմից սադրանքներ են արվում»- այս մասին այսօր հրավիրված ասուլիսում ասաց ՀՀ ՄԻՊ Արման Թաթոյանը:
Նա նաև հավելեց, որ ուղիղ սպառնալիքներ են առաջացել նաև Կապանի օդանավակայանի և նրա հարևանությամբ գտնվող բնակավայրերի և Մ2 միջպետական ճանապարհի համար, որը Կապանը կապում է Երևանի հետ:
«Զգալի վտանգներ են առաջացել ճանապարհի նաև հետևյալ հատվածներում՝ Կապանից դեպի ճակատեն, Շիկահող, Սրաշեն, Ներքին Հանդ և Ծավ գյուղեր: Այդ ճանապարհն այնքան կարևոր է, որ երակի նման կենսական նշանակությամբ կապում է այդ գյուղերը Կապանին: Եվ այդ ճանապարհին մի քանի տեղ ադրբեջանական դրոշներ են, դրանք ադրբեջանական տարածք են համարվում»,- նշեց Թաթոյանը՝ հավելելով սահմանների բաժանման մեխանիկական մոտեցումների պատճառով այսպիսի սպառնալիքների տակ են հայտնվել նաև այլ գյուղական բնակավայրեր:
Մանրամասները՝ տեսանյութում:
