11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Շուռնուխը ճանապարհով բաժանված է 2 մասի․ իսկ ի՞նչ է լինելու, եթե ճանապարհին վթար լինի․ Թաթոյան. ՏԵՍԱՆՅՈՒԹ
Քաղաքականություն
12.01.2021 | 12:29
«Կան խնդիրներ ճանապարհների հետ կապված։ Օրինակ՝ Շուռնուխ գյուղը ճանապարհով բաժանված է 2 մասի, և գյուղի այն մասում, որը հայկական է, մեր խաղաղ բնակիչներն են, երեխաներ են խաղում, իսկ այն մասը, որն ադրբեջաական է, զինվորականներ են: Եվ ադրբեջանական կողմից սադրանքներ են արվում«- այս մասին այսօր հրավիրված ասուլիսում ասաց ՀՀ ՄԻՊ Արման Թաթոյանը: Նա նաև հավելեց, որ ուղիղ սպառնալիքներ են առաջացել նաև Կապանի օդանավակայանի և նրա հարևանությամբ գտնվող բնակավայրերի և միջպետական ճանապարհի համար, որը Կապանը կապում է Երևանի հետ:
ՄԻՊ-ն արձանագրեց, որ ուղիղ սպառնալիքի տակ են հայտնվել մի շարք իրավունքներ, այդ թվում՝ կյանքի իրավունքը։
«Կան ճանապարհներ, որոնցով ՀՀ քաղաքացիները քաղաքացիական ավտոմեքենաներով պետք է արագ վարեն, հակառակ դեպքում դա կարող է դիտարկվել որպես սադրանք։ Օրենսդրական կարգավորումներ չկան, օրինակ, ինչ օրենսդրություն է կիրառվելու, եթե այդ տարածքում տեղի ունենա ՃՏՊ , կամ ինչ կլինի, եթե հանցագործություն տեղի ունենա, պարզապես վթար լինի կամ ավտոմեքենայի անսարքությունը վերացնելու, մեքենան նորոգելու համար քաղաքացին կանգնի այդ հատվածում։
Եթե այդ տարածքները համարում ենք Ադրբեջանի տարածք, ուրեմն Ադրբեջանի քննչական մարմինները պե՞տք է գան և քննչական գործողություններ իրականացնեն ՀՀ քաղաքացիների նկատմամբ և բերման ենթարկե՞ն մեր քաղաքացիներին: Այս հարցերը կարգավորված չեն, դրանք հրատապ լուծման կարիք ունեն,- նշեց Թաթոյանը»։
Մանրամասները՝ տեսանյութում:
