30.06.2026 | 19:43
Ադրբեջանում 16-ից փոքր տարիքի օգտատերերին կարգելվի գրանցվել սոցիալական ցանցերում
Սոֆյա Հովսեփյանը՝ «Իմ քայլը» խմբակցությունից դուրս գալու որոշման մասին. ՏԵՍԱՆՅՈՒԹ
Քաղաքականություն
11.01.2021 | 17:49
«Իմ քայլը» խմբակցությունից դուրս գալու որոշումը երկար մտածելուց հետո եմ կատարել, մի շարք պատճառներ կան, որոնց չեմ ուզում անդրադառնալ»,- այս մասին լրագրողների հետ զրույցում ասաց Սոֆյա Հովսեփյանը:
«Պատերազմի ելքից և ստորագրությունից հետո շատերի համար սպասելի էր իմ դուրս գալը: Բայց հասկանալով երկրի առաջ ծառացած խնդիրները՝ որոշեցի, որ պետք է ուղղակիորեն լծվեմ ու փորձեմ լուծումներ տալ այդ խնդիրներին: Բայց խնդիրները չափազանց շատ էին, և այն գործողություններն ու գործունեությունը, որում չափազանց թերացումներ կային իշխանության կողմից, գործողությունների հանդեպ ոչ լուրջ վերաբերմունքը ինձ հանգեցրին խմբակցությունից դուրս գալու որոշմանը», – նշեց Հովսեփյանը:
Գործընկերների արձագանքները նա չցանկացավ գնահատել, միայն նշեց, որ որակումները իրեն հարիր չէին:
Ի պատասխան այն տեսակետի, թե վարչապետի քվեաթերթիկը օգտագործելով է պատգամավոր ընտրվել՝ Հովսեփյանն ասաց. «Իմ գործընկերները, ովքեր նման գնահատականներ են տվել, լավ գիտեն՝ ով է Սոֆյա Հովսեփյանը և ինչ կարողություններ ունի, առհասարակ: Մինչև պատգամավոր դառնալը բոլորը մարզերում ճանաչում էին ինձ, գիտեին՝ որքան եմ նվիրված երկրին»:
Մանրամասները՝ տեսանյութում:
