17.09.2026 | 15:19
ՌԴ-ն Սև ծովում հարվածել է Տանզանիայի դրոշի ներքո նավարկող նավին․ նավապետը զոհվել է
«Իմ քայլում» խոսվել է Փաշինյանին այլ վարչապետով փոխարինելու մասին. Սոֆյա Հովսեփյանը՝ փակ նիստի մասին. ՏԵՍԱՆՅՈՒԹ
Քաղաքականություն
11.01.2021 | 15:29
Նախքան արտահերթ խորհրդարանական ընտրություններ գնալը պետք է չեզոք կառավարում կազմակերպել երկրում՝ առանց Նիկոլ Փաշինյանի։ Այս մասին Ազգային ժողովում լրագրողների հետ ճեպազրույցում ասաց պատգամավոր Սոֆյա Հովսեփյանը։ Նա մանրամասներ ներկայացրեց իշխող ուժի ներսում տեղի ունեցած քննարկումներից՝ նշելով, որ քննարկվել է վարչապետին փոխելու հարցը, սակայն քաղաքական թիմը որոշել է, որ նպատակահարմար չէ Նիկոլ Փաշինյանին փոխարինել այլ անձով։
«Բնականաբար, Ազգային ժողովը պետք է ընտրի այդ անձին՝ երեք քաղաքական ուժերի և անկախ պատգամավորների համատեղ որոշման արդյունքում։ Սկզբնական շրջանում անգամ առաջարկ արեցինք, որ «Իմ քայլի» ներսից լինի ընտրությունը։ Ես անձամբ առաջարկ եմ արել խմբակցության ներսում, անունը չեմ կարող ասել՝ զուտ չթիրախավորելու համար։ Թեկնածուների անուններ գեներացվել են այդ պահին, խոսվել է այդ պահին։ Բայց քաղաքական թիմը որոշել է, որ նպատակահարմար չի գտնում այս պահին որևէ կերպ փոխելու կառավարող ղեկավարին»,-նշեց Հովսեփյանը։ Պատգամավորը հավելեց, որ տարբեր անձանց կողմից առաջադրվել է նաև ԱԺ նախագահ Արարատ Միրզոյանի թեկնածությունը։
Սոֆյա Հովսեփյանը ևս մեկ անգամ ընդգծեց, որ եթե ուզում ենք կրկին արդար ու անկաշկանդ ընտրություններ կատարել, պետք է ժամանակավոր կառավարում ձևավորվի։ «Ես այդ հարցը բարձրացրեցի նաև կառավարության անդամների փոփոխության հետ կապված, բայց այդ առաջարկը մասամբ կատարվեց, մասամբ՝ ոչ»,- նշեց պատգամավորը։
Մանրամասն՝ տեսանյութում:
