12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Սխալ պնդում է. կառավարությունը մերժեց «Ծառուկյան» խմբակցության ԸՕ-ում փոփոխություններ կատարելու նախագծին
Հասարակություն
18.01.2018 | 15:33
Կառավարությունն այսօր բացասական եզրակացություն տվեց Ազգային ժողովի «Ծառուկյան» խմբակցության պատգամավորների կողմից ներկայացված Ընտրական օրենսգրքում փոփոխություններ կատարելու նախագծին, որով առաջարկվում էր զերծ մնալ տարածքային ցուցակներից:
«Ներկայացված փաստարկները, որ գործող համամասնական ընտրական համակարգն էականորեն շեղված է մաքուր համամասնական ընտրական համակարգից և նմանվում է մեծամասնական համակարգին՝ իրականում սխալ պնդում է: Մեծամասնական համակարգն ինքնին վատ բան չէ, այլ խնդիր է, որ յուրաքանչյուր երկրի պետք է իրեն բնորոշ ընտրական համակարգ լինի», – ասաց արդարադատության նախարար Դավիթ Հարությունյանը՝ հարկ համարելով հիշեցնել, որ մեզանում գործող համակարգը համամասնական համակարգ է՝ փակ և բաց ցուցակների համադրմամբ:
«Մեր գործող համակարգը իրականում գտնվում է մեջտեղում՝ 50/50 է: Որևէ հիմնավորում չենք տեսնում փոփոխություն կատարելու, ավելին՝ եթե անցնեինք այդ համակարգին, որն առաջարկում են պատգամավորները, ապա կունենայինք իրավիճակ, որ անձն ընտրություն կկատարեր միայն կուսակցության օգտին և դեմքով չէր իմանա, թե որ պատգամավորն է իրեն ներկայացնելու խորհրդարանում»,- շարունակեց նախարարը՝ նկատելով, որ դա ժողովրդավարական մոտեցում չէ:
