19.03.2026 | 11:56
Ռուբեն Հայրապետյանի դուստրը՝ գործով պատասխանող
Հենրիխ Մխիթարյանը դուր է գալիս ինձ. Արսեն Վենգեր
18.01.2018 | 14:28
Լոնդոնի «Արսենալի» գլխավոր մարզիչ Արսեն Վենգերը հաստատել է «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանի նկատմամբ հետաքրքրությունը։ Ավելի վաղ հաղորդվում էր, որ «Մանչեսթեր Յունայթեդը» Հենրիխ Մխիթարյանին փոխանակելու է չիլիացի հարձակվող Ալեքսիս Սանչեսի հետ. տեղեկացնում է sport.news.am-ը:
«Դա կարող է տեղի ունենալ 24 ժամվա ընթացքում կամ տեղի չունենալ։ Սա տրանսֆերային պատուհան է, որտեղ ամեն պահի կարող է ամեն բան փոխվել։ Ինձ դուր է գալիս Մխիթարյանը։ Նրա աշխատավարձը խնդիր չի դառնա»,- ֆրանսիացի մասնագետի խոսքը մեջբերում է Mirror-ը։
Ավելի վաղ լուրեր էին շրջանառվում, որ Մխիթարյանն «Արսենալի» հետ կնքելու է 4 տարվա պայմանագիր, իսկ նրա շաբաթական աշխատավարձը կկազմի 130 հազար ֆունտ ստերլինգ։ Նա 2016-ին Դորտմունդի «Բորուսիայից» է տեղափոխվել «Մանչեսթեր Յունայթեդ», որի կազմում ստանում է շաբաթական 150 հազար ֆունտ ստերլինգ աշխատավարձ։
