11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Սա արդեն, ժողովրդի լեզվով ասած, ախպերություն չէ, շանտղություն է․ Հրաչ Բերբերյան
Տնտեսություն
17.01.2018 | 15:27
Սերմերը Հայաստան ներկրվում են եվրոպական երկրներից: Ընդ որում՝ ներկրվում է բացառապես որակյալ սերմ: Լրագրողների հետ այսօր տեղի ունեցած հանդիպման ժամանակ այս մասին ասաց «Ագրարագյուղացիական միավորում» ՀԿ նախագահ Հրաչ Բերբերյանը:
Խոսելով թունաքիմիկատներից բանախոսն ասաց, որ դրանք ներկրվում են Չինաստանից և Եվրոպայից և թանկացումից անմասն չեն մնա․ «Ակնհայտ է, որ վառելիքի թանկացումներն ազդելու են դրանց գնի վրա: 1 հեկտարի մշակությունը Հայաստանում արդեն իսկ թանկացել է 10-40 հազար դրամով՝ նայած ինչ մշակաբույսի մասին է խոսքը: Սա գյուղացու համար լուրջ գումար է: Վառելիքի թանկացումն ազդելու է նաև գյուղմթերքի ինքնարժեքի վրա. առնվազն 5 տոկոս թանկացումների պետք է սպասել»,- ասաց Հրաչ Բերբերյանը՝ հիշեցնելով, որ ռուս ֆերմերը 40 տոկոսի չափոով սուբսիդիաներ է ստանում պետությունից, մինչդեռ Հայաստանում նման բան չկան:
Հրաչ Բերբերյանի խոսքով հայկական շուկայում կա աստրախանյան ձմերուկ, մինչդեռ հայկական արտադրության ապրանքների համար հավասար պայմաններ չկան․ «Հայաստանի խանութներում աստրախանյան ձմերուկ է հայտնվում: Սա արդեն, ժողովրդի լեզվով ասած, ախպերություն չէ, այլ շանտղություն է։ Եթե մենք մի միության անդամ ենք, պետք է հավասար պայմաններ լինեն»,- ասաց բանախոսը։
Մանրամասները տեսանյությում:
