11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Լավ անցա՞վ արձակուրդը. Արարատ Միրզոյանը՝ վարչապետին
Տնտեսություն
17.01.2018 | 18:00
ԱԺ «Ելք» խմբակցության պատգամավոր Արարատ Միրզոյանն այսօր Կառավարության հետ հարցուպատասխանի ժամանակ անդրադառնալով թանկացումներին՝ վարչապետ Կարեն Կարապետյանից հետաքրքրվեց. «Արդյո՞ք արդեն պարզ է, թե որ հարցում է հնարավոր շտկումներ անել և նահանջ անել որոշակի, որպեսզի թանկացումները սուր չչոքեն քաղաքացիների բկին»:
Վարչապետն արձագանքեց. «2,6 տոկոս գնաճ, որ դուք ասում եք՝ «չոքել է մեր դռանը»… Ո՞ր գինն է չոքել մեր դռանը: Քիչ առաջ մեր գործընկերն ասաց, որ մենք դեռ սեպտեմբերին էինք կանխագուշակում, որ սակագինը բարձրանալու է: Ես ձեզ ուզում եմ տեղյակ պահել, որ մենք կիրառել ենք այն օրենքը, որը ընդունվել է 2016 թվականի հոկտեմբերին: Այդ օրենքի մեջ գրված էր այն, ինչ պետք է լիներ: Պարզ է, որ հարկային բեռն ավելացնելը հաճելի բան չէ: Մենք ունենք արտաքին վարկերի պարտավորություններ, տնտեսությունը զարգացնելու խնդիր, մենք ունենք լրացուցիչ միջոցների անհրաժեշտություն: Մենք քննարկել ենք այն տարբերակները, որոնք մինիմալ բեռ են ստեղծում մեր քաղաքացու բիզնեսի համար: Եթե այստեղ չանեինք, մի ուրիշ տեղ պետք է անեինք, որպեսզի այլ մուտքեր ունենայինք, որոնք թույլ են տալիս սպասարկելու մեր պարատավորությունները»:
Մանրամասները՝ տեսանյութում:
