17.12.2025 | 23:17
ԵՄ-ն կոչ է անում Թբիլիսիին ազատ արձակել անօրինական ձերբակալվածներին
Տնտեսությունը 35 մլն դոլար կկորցնի նախագծի ընդունման դեպքում․ կունենանք 310 մահ․ Կառավարությունը դեմ է «Իմ քայլի» նախագծին. ՏԵՍԱՆՅՈՒԹ
Քաղաքականություն
28.12.2020 | 14:28
Ազգային ժողովի արտահերթ նիստում քննարկում է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի նախագծի երեք դրույթների ուժի մեջ մտնելու ժամկետը մինչև 2022 թվականի հունվարի 1-ը երկարաձգելու օրենքի նախագիծը:
Առողջապահության փոխնախարար Լենա Նանուշյանը կարծիք հայտնեց, որ օրենքի նախագիծը ոչ միայն հիմնավորված չէ, այլ նաև դրա ընդունման դեպքում երկրի տնտեսությունը կկորցնի 35 մլն դոլար, կգրանցվի 310 մահ։
«Կորոնավիրուսային հիվանդության ընթացքում մենք հասկացանք, որ ճիշտ ճանապարհ ենք ընտրել, և ծխախոտի դեմ պայքարը մեզ օգուտներ է բերելու, որովհետև ուղեկցող հիվանդություններից են այսօր մահանում, իսկ ուղեկցող քրոնիկական հիվանդությունների համար առաջին ռիսկը ծխախոտն է: Միջազգային փորձագետները գնահատել են, որ եթե մեր ամբողջ բնակչությունը հիվանդանա, ապա ամբողջ բնակչությունից 117 հազար մարդ բարձր ռիսկի տակ է գտնվում՝ հոսպիտալացվելու, ծայրահեղ ծանր տանելու հիվանդությունը և մահանալու՝ ծխելու պատճառով»,-նշեց փոխնախարարը:
Նանուշյանի խոսքով՝ մի քանի օրվա ընթացքում միջազգային փորձագետների հետ իրենք փորձել են գնահատականներ տալ ու հաշվարկներ անել:
«Ծխախոտը շատ թանկ է նստում մեր երկրի վրա։ Մեր երկրի տնտեսությունը տարեկան կորցնում է 273 մլրդ դրամ, ինչը համարժեք է ՀՆԱ-ի 4.2 տոկոսին: Գնահատեցինք, թե այս նախագիծը ինչքան կնստի մեր երկրի վրա: Եթե մենք ընդունենք այս նախագիծն ու երեք դրույթները հետաձգենք ևս մեկ տարով, երկրի տնտեսությունը կկորցնի 35 մլն դոլար՝ միայն 2021 թվականի ընթացքում: Եվ միայն այս նախագծի արդյունքում մենք կունենանք 310 մահ»,- ասաց առողջապահության փոխնախարարը։
Մանրամասները՝ տեսանյութում:
