19.01.2026 | 12:16
Եթե ոչ դատվել, գոնե այդ պաշտոնից պետք է ազատվեիր. Ազատի կացարանում զոհված զինվորի հայրը՝ Պապիկյանին․ ՏԵՍԱՆՅՈՒԹ
Երեխաները չպիտի զրկվեն ամանորյա միջոցառումներից․ արցախցի երեխաներին աջակցություն կտրամադրվի. ՏԵՍԱՆՅՈՒԹ
Հասարակություն
24.12.2020 | 11:59
ՀՀ կառավարությունը հաստատեց Արցախի նախադպրոցական տարիքի երեխաների ամանորյա աջակցության միջոցառումը։ Ինչպես փոխանցում է «Արմենպրես»-ը, Աշխատանքի և սոցիալական հարցերի նախարար Մեսրոպ Առաքելյանը նշեց, որ միջոցառումն աջակցության միանվագ ծրագիր է, որի շահառուներն են 2015թ․ հունվարի 1-ից հետո ծնված, 2020թ․ դեկտեմբերի 23-ի դրությամբ Արցախում հաշվառված երեխաները։ «Սոցիալական աջակցությունը տրամադրվում է միանվագ՝ յուրաքանչյուր երեխայի համար 20000 դրամի չափով։ Գումարները կտրամադրվեն մինչև Ամանոր՝ Հայփոստի և Արցախփոստի միջոցով»,- ասաց նա:
Մեսրոպ Առաքելյանի խոսքով՝ գաղափարը նախարարության աշխատակիցներինն է ու միջոցառումն ամբողջությամբ ֆինանսավորվում է պարգևավճարների և աշխատավարձի հավելավճարների ֆոնդով։
Վարչապետ Նիկոլ Փաշինյանն էլ նշեց, որ հասկանալի պատճառներով Ամանորյա միջոցառումներ չեն լինի, բայց երեխաներին չպետք է զրկել տոնական միջոցառումներից, թատրոններում կլինեն տոնական ներկայացումներ երեխաների համար:
