14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ինչու քաղաքացիները մեզ չեն միանում, չեմ կարող պատասխանել. Դավիթ Հարությունյան․ ՏԵՍԱՆՅՈՒԹ
Քաղաքականություն
24.12.2020 | 11:00
Յուրաքանչյուրն իրեն պետք է հարց տա՝ ի՞նչով է պայմանավորված սահմանների այսպիսի շուտափույթ վերաձևումը, ի՞նչով է պայմանավորված, որ հենց մեր սահմանի վրա է Ադրբեջանը սկսել կառուցել ռազմաբազաներ և տեղակայել հարձակվողական զենքեր: Շատերի հույսն այն է, որ Ռուսաստանը թույլ չի տա ներխուժել Հայաստանի տարածք, չնայած, փաստացի դա տեղի է ունենում: Այս մասին լրագրողների հետ զրույցում ասաց Արդարադատության նախկին նախարար Դավիթ Հարությունյանը։
Նրա կարծիքով՝ Ադրբեջանը պատրաստվում է այն պատերազմին, որին մասնակցելու են հետագա սերունդները. «Այսօր նաև քննարկվում է մեր երեխաների և թոռների ապագայի հարցը՝ թողնելով նրանց սահմաններ, որոնք խոցելի են, որոնց ողջ երկայնքով տեղակայված են ադրբեջանական և թուրքական ռազմական ուժեր»,-ասաց Դավիթ Հարությունյանը:
«Չկա իշխանություն, որ սխալներ թույլ չտա և ՀՀԿ-ն, բնականաբար, ունեցել է իր սխալները, բայց ո՞րն է տարբերությունը ՀՀԿ-ի և այս իշխանության։ Ես կարծում եմ այն է, որ այս իշխանությունը գտել է շատ նուրբ հոգեբանական հնարք՝ սերմանել ատելություն՝ բաժանի՛ր որ տիրես սկզբունքով, և, այս հնարքը, ցավոք սրտի, աշխատել է»,- նշեց Դավիթ Հարությունյանը՝անդրադառնալով հարցին, թե ինչու է ժողովուրդը նախապատվություն տալիս պարտված իշխանությանը և չի ուզում, որ ՀՀԿ-ն վերադառնա: Նա նաև հավելեց. «Ինչու քաղաքացիները մեզ չեն միանում. չեմ կարող պատասխանել այս հարցին»:
Մանրամասները՝ տեսանյութում:
