01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ռուսաստանը ոչ մի լավ բան չի ակնկալում ԱՄՆ նոր նախագահից․ Ռյաբկով
Քաղաքականություն
23.12.2020 | 17:42
Ռուսաստանը, ըստ երկրի փոխարտգործնախարար Սերգեյ Ռյաբկովի, իր համար ոչ մի լավ բան չի ակնկալում ԱՄՆ ապագա նախագահ Ջո Բայդենից:
«Լավ բան հաստատ չենք ակնկալում: Եվ տարօրինակ կլիներ լավ բան ակնկալել այն մարդկանցից, որոնցից շատերն իրենց կարիերան կառուցեցին ռուսատյացության և մեր երկրի վրա ցեխ շպրտելու վրա»,- հայտարարել է ռուս դիվանագետը «Ինտերֆաքս»-ին տված հարցազրույցում։
Ռյաբկովը կարծիք է հայտնել, որ Բայդենի վարչակազմի օրոք Մոսկվան պետք է համատեղի տոտալ զսպումը ընտրովի երկխոսության հետ:
«Ռուսաստանի Դաշնությունը, ըստ իս, պետք է անցնի երկկակի մոտեցման։ Առաջինը՝ բոլոր ուղղություններով Միացյալ Նահանգների տոտալ զսպում, քանի որ ԱՄՆ քաղաքականությունը խորապես թշնամական է Ռուսաստանի հանդեպ և հակասում է մեր հիմնական շահերին։ Երկրորդն ընտրովի երկխոսությունն է․ Միացյալ Նահանգների ներգրավումը միայն այն թեմաներին, որոնք հետաքրքիր են մեզ, այլ ոչ թե այն թեմաներին, որոնք հետաքրքիր են միայն իրենց: Երբ մենք անցնենք այս ուղուն, այդ դեպքում, կարծում եմ, որոշ հիմքեր կարող են հայտնվել Վաշինգտոնի հետ հարաբերությունների աստիճանական կարգավորման համար»,- բացատրել է Ռյաբկովը:
Տաթև Ֆռանգյան
