30.06.2026 | 19:43
Ադրբեջանում 16-ից փոքր տարիքի օգտատերերին կարգելվի գրանցվել սոցիալական ցանցերում
Պատերազմի հետևանքով հաշմանդամություն ձեռք բերած քաղաքացիների աջակցությունը կսկսվի հունվարից. փոխնախարար. ՏԵՍԱՆՅՈՒԹ
Հասարակություն
22.12.2020 | 14:15
Սետեմբերի 27-ից հետո պատերազմական գործողությունների հետևանքով հաշմանդամություն ձեռք բերած քաղաքացիներին սոցիալական աջակցություն կտրամադրվի: Աջակցություն կտրամադրվի նաև զոհված քաղաքացիական անձանց ընտանիքներին: Այս մասին այսօր հրավիրված ասուլիսում ասաց ՀՀ աշխատանքի և սոցիալական հարցերի նախարարի տեղակալ Աննա Ժամակոչյանը:
«Ծրագրի շահառու են և՛ Հայաստանի, և՛ Արցախի քաղաքացիները, որոնց աջակցությունը կտրամադրվի միանվագ դրամական օգնության ձևով՝ առաջին խմբի հաշմանդամություն ձեռք բերած քաղաքացիներին՝ 3.000.000 դրամ, երկրորդ խմբի դեպքում` 2.000.000 դրամ, երրորդ խմբի դեպքում` 1.000.000 դրամ, հաշմանդամ երեխայի դեպքում՝ 3.000.000 դրամ, զոհված քաղաքացիական անձանց ընտանիքներին՝ 5.000.000 դրամ»,- նշեց փոխնախարարը: Նա նաև տեղեկացրեց, որ քաղաքացիների աջակցությունը կսկսվի հունվարից:
Մանրամասները՝ տեսանյութում:
