09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ԼՂ-ում ռուս խաղաղապահները ականազերծել են 423 բնակելի շենք․ ՌԴ ՊՆ
21.12.2020 | 11:32
Ռուսաստանի ՊՆ միջազգային ականզերծման կենտրոնի մասնագետները շարունակում են Լեռնային Ղարաբաղի տարածքի ականազերծման ուղղությամբ աշխատանքները, տեղեկացնում է ՌԴ ՊՆ-ն։
Օպերացիայի ընթացքում Լեռնային Ղարաբաղում ՌԴ խաղաղապահ ուժերի ինժեներական ստորաբաժանումները մաքրել են շուրջ 238 հեկտար տարածք, 93 կիլոմետր ճանապարհ և 423 բնակելի շենք: Հայտնաբերվել և վնասազերծվել է ավելի քան 8,3 հազար պայթյունավտանգ առարկա:
Նշվում է, որ ԼՂ-ում պայթյունավտանգ առարկաներից տարածքի ականազերծման և մաքրման ընթացքում ռուս խաղաղապահները կիրառում են ժամանակակից ռոբոտատեխնիկական համալիրներ, որոնք լեռնային տեղանքի և եղանակի վատթարացման պայմաններում թույլ են տալիս պահպանել ականազերծման բարձր տեմպը:
Հայտնաբերված պայթյունավտանգ իրերն ու չպայթած զինամթերքը տարհանվում ու ոչնչացվում են հատուկ կահավորված զորվարժարանում, իսկ այն զինամթերքը, որը հնարավոր չէ տարհանել, ոչնչացվում է տեղում, պարզաբանում են գերատեսչությունից։
Տաթև Ֆռանգյան
