14.12.2024 | 14:18
Ռուսաստանում արգելափակվել է Viber-ը
ՌԴ-ից ԼՂ է հասել մարդասիրական օգնությամբ 54 վագոնից առաջին 3 վագոնը․ ՌԴ ԱԻՆ
Հասարակություն
17.12.2020 | 12:08
Ռուսաստանից Լեռնային Ղարաբաղ է հասել մարդասիրական օգնությամբ 54 վագոնից առաջին 3 վագոնը։ Այս մասին ՌԻԱ Նովոստիին հայտնել են ՌԴ ԱԻՆ-ից։
«Երկաթգծով տարածաշրջան է ժամանել առաջին 3 վագոն բեռը, որի ընդհանուր քաշը կազմել է 80 տոննա։ Դրանք առաջին անհրաժեշտության իրեր են։ ՌԴ ԱԻՆ-ի աշխատակիցները բեռնաթափում են ու նշանակման վայրեր են առաքում մարդասիրական օգնությունը»,- ասվում է հայտարարության մեջ։
Նշվում է, որ Ղարաբաղ ուղարկված մյուս վագոններում շինանյութ է, էլեկտրակայաններ, հակահրդեհային բաքեր, ինչպես նաև կենցաղային իրեր:
Նախօրեին գերատեսչությունից հայտնել էին, որ Ռուսաստանի 8 քաղաքներից Լեռնային Ղարաբաղ է ուղարկվել մարդասիրական օգնությամբ 54 վագոն, որի ընդհանուր քաշը կազմել է 1200 տոննա։
Տաթև Ֆռանգյան
