Քաղաքականություն
16.12.2020 | 17:26«Մեր համայնքից Հադրութի շրջանի Խծաբերդ և Հին թաղեր համայնքներում ծառայում են ՄՕԲ ռեսուրսով զորակոչված 6 երիտասարդ, որոնք 25 օրից ավելի է այնտեղ են, արդեն պետք է հերթափոխ իրականացվեր: Բոլորը զարմանում են, թե մեր տղաներն այնտեղ ինչ գործ ունեն, որովհետև ադրբեջանցիները մտածում են՝ դա իրենց հողն է, մենք էլ մտածում ենք՝ մերն է: Փաստորեն առանց սահման դնելու՝ այնտեղ մեծաքանակ զինվորական ուժեր ենք տարել, և նրանք այսօր եղել են շրջափակման մեջ, արդեն նրանց մի մասը գերեվարված է: Չգիտենք՝ ինչ անենք…»,- նշեց Ազատանի համայնքապետ Վարդան Իկիլիկյանը՝ հավելելով, որ իրենց ստացած տեղեկություններով՝ այնտեղ անվերահսկելի իրավիճակ է ստեղծվել:
Նա նաև տեղեկացրեց, որ ազատանցի երկու զինծառայողի է ճանաչել ադրբեջանցիների տարածած տեսանյութում: «Զարմանում ենք՝ նույնիսկ խաղաղ պայմաններում 160 հոգի գերի վերցնե՞լ. 160 հոգի Շիրակի մարզից են, չգիտեք՝ քանիսն են գերի վերցվել, քանիսն են մնացել դիրքերում»,- ասաց համանքապետը:
«Խնդրում ենք մեր իշխանություններին՝ փորձել մեր տղաների անվտանգությունն ապահովել: Իշխանությունն է որոշել զորակոչ անել, ուրեմն պետք է մինչև վերջ տեր կանգնեն և ապահովեն նրանց անվտանգությունը, ամեն ինչ անեն, որ մեր տղաներին հետ բերեն»,- ասաց Իկիլիկյանը:
Մանրամասները՝ տեսանյութում:
