12.01.2025 | 14:16
Առաջիկա օրերին օդի ջերմաստիճանն էապես չի փոխվի
Արտաքին քաղաքականությունում մենք խայտառակ վիճակի հասանք հենց այս պատերազմի ընթացքում․ Նավասարդյան. ՏԵՍԱՆՅՈՒԹ
Քաղաքականություն
15.12.2020 | 15:35
«92թ. առիթ եմ ունեցել ընդունվելու Օզալի կողմից Ստամբուլում, և նա ասաց, որ եթե հրաժարվենք Եղեռնի վերաբերյալ պահանջատիրական նկրտումներից, Թուրքիան կանցնի Հայաստանի հետ դիվանագիտական հարաբերությունների»,- այս մասին «Հայաստանի սահմանները. ո՞վ գիտի՝ որտե՞ղ են սկսվում և որտե՞ղ ավարտվում» թեմայով առցանց քննարկման ժամանակ ասաց ՀՀ արտակարգ և լիազոր դեսպան Արման Նավասարդյանը:
«Ես չեմ հասկանում, թե ինչ տրամաբանությունից ելնելով ենք այսօր ձգտում դիվանագիտական հարաբերություններ հաստատելու, ըստ երևույթին՝ Թուրքիան կգնա դրան, առանց որևէ նախապայմանի, բայց այդ դեպքում մի քանի տարի անց «առանց սրի և կրակոցի աշխարհը կդառնա մուսուլմանական երկրագունդ»: Նրանց, ովքեր ուզում են նորմալացնել հարաբերությունները Թուրքիայի և Ադրբեջանի հետ, կարող եմ ասել, որ 3- 5 տարվա ընթացքում, երբ կգործեն միջանցքները, Հայաստանը կդառնա Թուրքիայի գավառներից մեկը»,- ասաց Նավասարդյանը:
Արտակարգ և լիազոր դեսպանի դիտարկմամբ՝ արտաքին քաղաքականությունում Հայաստանը խայտառակ վիճակի է հասել հենց այս պատերազմի ընթացքում: «Նախ՝ կորցրեցինք լավ գործընկերոջ՝ Իրանին, երկրորդ՝ գործընկերային հարաբերություններ չհաստատեցինք Չինաստանի հետ, երրորդ՝ Ռուսաստանի հետ փչացրինք մեր հարաբերությունները: Մենք պետք է լուրջ հետևություններ անենք, հարաբերությունները բարելավելու ուղղությամբ մեծ աշխատանք իրականացնենք, և պետք է աշխատի պրոֆեսիոնալների թիմ»,- ասաց Նավասարդյանը:
Նրա խոսքով նման կատակլիզմներից հետո բոլոր նորմալ երկրները հետ են կանչում դեսպաններին, նրանց կա՛մ շնորհազրկում են, կա՛մ այլ աշխատանքի են տեղափոխում, կա՛մ էլ այլ միջոցներ են կիրառում նրանց նկատմամբ. «Իսկ մեր բոլոր դեսպանները, որոնք իրենց չարդարացրին պատերազմի ընթացքում, հետ չկանչվեցին: Դիվանագիտության մեջ դիլետանտիզմը չպետք է տեղ ունենա: Դիվանագիտական ծառայությունը մեզ մոտ գտնվում է անմխիթար վիճակում»:
Մանրամասները՝ տեսանյութում:
