08.11.2024 | 15:43
Անընդունելի է, երբ օլիգարխիան սկսում է ազդել ընտրական գործընթացների վրա. Վլադիմիր Վարդանյան․ ՏԵՍԱՆՅՈՒԹ
Բոսնիայի նախագահության խորվաթ և մահմեդական ներկայացուցիչները հրաժարվել են հանդիպել Լավրովի հետ
Քաղաքականություն
15.12.2020 | 16:59
Բոսնիա և Հերցեգովինայի նախագահության անդամներ Ժելկո Կոմշիչն ու Շեֆիկ Ջաֆերովիչը, որոնք ներկայացնում են խորվաթ և մահմեդական համայնքները, հրաժարվել են հանդիպել ՌԴ ԱԳՆ ղեկավար Սերգեյ Լավրովի հետ, որն այդ երկրում է աշխատանքային այցով, գրում է Ինտերֆաքսը։
Լավրովի հանդիպումը նախագահության երեք անդամների՝ Միլորադ Դոդիկի (Բոսնիայի սերբ համայնքի ներկայացուցիչ), Կոմշիչի և Ջաֆերովիչի հետ նախատեսված էր երեքշաբթի առավոտյան: Լրագրողների հետ զրույցում Կոմշիչն ու Ջաֆերովիչը հայտնել են, որ իրենց որոշումը կապված է նախօրեին ՌԴ արտգործնախարարի՝ Դեյթոնի համաձայնագրի վերաբերյալ հայտարարությունների հետ, որոնք հակասում են Բոսնիայի դիրքորոշմանը:
Իր հերթին, Ռուսաստանի արտգործնախարարությունը Twitter- ում տեղադրել է նախագահության անդամների հետ Լավրովի հանդիպումից լուսանկար, որում Բոսնիայի բարձրագույն գործադիր մարմնի ներկայացուցիչներից ներկա է միայն Դոդիկը:
Տաթև Ֆռանգյան
