27.04.2026 | 12:02
Ռուսական զորքերը զանգվածային հարված են հասցրել Օդեսային. վիրավորվել է 11 մարդ, այդ թվում`2 երեխա
Արսեն Թորոսյանն իրեն «մարդասպան» անվանելու համար դատի է տվել Կարեն Քոչարյանին
Հասարակություն
14.12.2020 | 15:24
ՀՀ առողջապահության նախարար Արսեն Թորոսյանը դատի է տվել քաղտեխնոլոգ Կարեն Քոչարյանին։ Հայցը մակագրվել է դատավոր Հայարփի Զարգարյանին։
Հայցի պատճառը Կարեն Քոչարյանի գրառումն է, որտեղ նա հայհոյել և վիրավորել է Թորոսյանին՝ նրան կոչելով, մասնավորապես, «սրբապիղծ մարդասպան»։
Թորոսյանի ներկայացուցչից տեղեկացանք, որ դատարանից պահանջում են, որպեսզի Քոչարյանը վճարի առավելագույն չափով՝ 1 մլն դրամ փոխհատուցում, ինչպես նաև հրապարակայնորեն ներողություն խնդրի Թորոսյանից։
Factor.am-ի հետ զրույցում Կարեն Քոչարյանն էլ ասաց, որ իր համար զարմանալի է, երբ դատարանի որոշումը չհարգող անձը դիմում է դատարան․ «Լավ է արել, դիմել է, չնայած ինքը դատարանի որոշումն արհամարհում է, դատարանն իրեն ասել էր, որ ներողություն խնդրի, բայց ինքն ասաց՝ ոչ մի բան չի անի։ Իսկ ես, եթե դատարանը որոշի, պատրաստ եմ, բայց միանշանակ դատական պրոցես պետք է լինի»։
Նշենք, որ Կարեն Քոչարյանը նկատի ունի դեպքը, երբ Արսեն Թորոսյանը ներողություն չխնդրեց Վատիկանում ՀՀ նախկին դեսպան Միքայել Մինասյանի հորից՝ Արա Մինասյանից, չնայած դատարանի վճռին։
Լիլիթ Շաբոյան
