05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Պաշտպանության նախարարի քայլը քրիստոնեական քայլ է. Էդուարդ Շարմազանով
Քաղաքականություն
15.01.2018 | 12:01
Ազգային ժողովի փոխնախագահ Էդուարդ Շարմազանովը դրական է գնահատում պաշտպանության նախարար Վիգեն Սարգսյանի՝ զինվորին արտերկրում բուժելու համար կազմակերպած դրամահավաքը:
«Պետք է զերծ մնանք էմոցիոնալ գնահատականից և այն գայթակղությունից, որ իշխանության ներկայացուցիչների, պաշտպանության նախարարի ցանկացած հումանիստական քայլ ներկայացնենք այլ տեսանկյունից»,- պատասխանելով Factor.am-ի հարցին՝ նշեց ՀՀԿ-ական պաշտոնյան:
Մեր հստակեցնող հարցին՝ այսինքն նորմալ եք վերաբերում փաստին, որ պաշտպանության նախարարն անձամբ զբաղված է դրամահավաքով, Շարմազանովն արձագանքեց. «Ես նորմալ եմ համարում, որ պաշտպանության նախարարը բացի իր աշխատանքային պարտականություններից նաև կարողանում է կոչով հանդես գալ, իր անձնական ներդրումն ունենալ, որպեսզի մենք կարողանանք հասարակական աջակցություն ապահովել»:
Հիշեցնենք, որ ՀՀ պաշտպանության նախարար Վիգեն Սարգսյանի՝ արտերկրում զինվորին բուժելու համար դրամահավաքին միանալու կոչն արժանացավ հասարակության որոշ հատվածի սուր քննադատությանը:
ԱԺ փոխնախագահի կարծիքով՝ քննադատությունների պատճառն այն է, որ Հայաստանում կա բազմակարծություն:
Մանրամասները՝ տեսանյութում:
Շողիկ Գալստյան
