01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Բեյրութի նավահանգստում պայթյունի գործով մեղադրանք է առաջադրվել նախկին վարչապետին և երեք նախարարների
Քաղաքականություն
10.12.2020 | 18:43
Օգոստոսի 4-ին Բեյրութի նավահանգստում տեղի ունեցած պայթյունի գործով Լիբանանի նախկին վարչապետ Հասան Դիաբը և ֆինանսների, տրանսպորտի ու հանրային հարցերի նախկին նախարարները կհրավիրվեն հարցաքննության: Այս մասին հայտնում է Naharnet-ը՝ վկայակոչելով քննիչ հանձնաժողովում սեփական աղբյուրին, որը գլխավորում է դատավոր Ֆադի Սավվան:
Նրա խոսքով՝ Դիաբը և երեք նախկին նախարարները՝ Հասան Խալիլը, Յուսեֆ Ֆենիանոսը և Ղազի Զուիտերը, մեղադրվում են «հանցավոր անփութության մեջ, ինչը հանգեցրել է ողբերգության և մարդկային զոհերի»:
Հետաքննությունը հաստատել էր, որ կասկածյալները մի քանի գրավոր ծանուցում են ստացել՝ նախազգուշացումով՝ չհետաձգել ամոնիումի նիտրատի թափոնների վերացումը», ինչն էլ, ըստ իշխանությունների, պայթյունի պատճառն է եղել:
«Նրանք նաև անհրաժեշտ քայլեր չեն ձեռնարկել՝ ավերիչ պայթյունից խուսափելու համար»,- հավելել է աղբյուրը:
Հիշեցնենք՝ օգոստոսի 4-ին Բեյրութի ծովային նավահանգստում տեղի ունեցած պայթյունի հզորությունը կազմել էր 1500 տոննա տրոտիլ: Պայթյունի ալիքը ոչնչացրեց և վնասել է քաղաքի ներսում և հեռավոր արվարձաններում գտնվող հազարավոր տներ, զոհվել է 200 մարդ, վիրավորվել՝ 6,5 հազարը, ավելի քան 300 հազար քաղաքացի մնացել է անօթևան:
Տաթև Ֆռանգյան
