Քաղաքականություն
10.12.2020 | 18:12Վարչապետը բացարձակ չի տիրապետում իրավիճակին, թե ինչ է կատարվում երկրում: Այս մասին Factor.am-ի հետ զրույցում ասաց «Լուսավոր Հայաստան» խմբակցության քարտուղար Գևորգ Գորգիսյանը՝ անդրադառնալով դիտարկմանը, որ ԱԺ-ում պատգամավորների հարցերին ի պատասխան՝ Նիկոլ Փաշինյանը չասաց, որ պատրաստվում է հրաժարական ներկայացնել, այլ միայն ակնարկներ եղան այն մասին, որ հնարավորություն կա արտահերթ ընտրություններ անցկացնել:
«Փաշինյանը կրկին փորձում է դաշտը բաժանել «սևի և սպիտակի»՝ եթե մենք գնում ենք, նախկիններն են վերադառնում՝ ի դեմս Վազգեն Մանուկյանի: Սա էր նրա միակ արդարացումը, թե ինչու պետք է ինքը մնալ: Նա շարունակում է երկիրը բաժան -բաժան անելու, հանրությանը միմյանց դեմ լարելու, «սև ու սպիտակի» բաժանելով՝ մասնատելու քաղաքականությունը: Սա ուղղակի անթույլատրելի է:
Մենք դրա լուծումն առաջարկել ենք. մենք առաջարկում ենք Էդմոն Մարուքյանի թեկնածությունը: Միայն նրա շուրջ կարող են համախմբվել բոլորը, միայն նրա շուրջ կարող է ստեղծվել հասարակական համերաշխություն: Եվ մենք ասում ենք, որ պետք է պրոֆեսիոնալների կառավարություն ձևավորվի, որը միակ գրավականն է, որ ստեղծված ծանր քաոսից երկիրը կարող է դուրս բերել: Իսկ այսօր նոր ընտրությունների գնալը հերթական արկածախնդրությունը կարող ենք համարել»,- նշեց Գորգիսյանը:
Մանրամասները՝ տեսանյութում:
