29.04.2026 | 15:27
Ուկրաինայում ԱՄՆ դեսպանը հեռանում է պաշտոնից, ըստ լուրերի՝ Թրամփի հետ տարաձայնությունների պատճառով
«Որևէ մեկը առիթ չի տվել պատժելու». ՀՀԿ-ում չեն հանդիմանի Արմեն Աշոտյանին բոյկոտածներին
Քաղաքականություն
30.05.2017 | 18:03
Ինչպես հայտնի է՝ նոր խորհրդարանում հանձնաժողովների նախագահների ընտրության ժամանակ ՀՀԿ-ականների բավական սկանդալային քվեարկություն արձանագրվեց: ՀՀԿ-ականները բավական քիչ ձայներ ստացան, իսկ ամենաքիչ ձայները ստացավ արտաքին հարաբերությունների հանձնաժողովի նախագահ Արմեն Աշոտյանը:
Factor.am-ը ՀՀԿ խմբակցության ղեկավար Վահրամ Բաղդասարյանից հետաքրքրվեց, թե ի վերջո ՀՀԿ-ում պարզեցին՝ ովքեր էին Արմեն Աշոտյանին դեմ քվեարկել: Մամուլում գրվել է, որ 20 հոգի դեմ են եղել, և ստացվում է՝ ՀՀԿ-ի ներսում էլ ՀՀԿ-ի քաղաքականության հետ չհամաձայնողներ կան:
«Արմեն Աշոտյանը հավաքել է 56 ձայն, ՀՀԿ-ից քվեարկությանը մասնակցել է 54 հոգի: Որևէ սկանդալային խնդիր չկա, մենք չենք հաշվել՝ ով ինչքան ձայն է հավաքել: Մենք նայում ենք, թե ով է անցել և որպես հանձնաժողովի նախագահներ ընտրված են: Հետագայում իրենց աշխատանքով կտան գնահատականները»,- ասաց Բաղդասարյանը:
Դիտարմանը, թե եթե քիչ ձայներով են ընտրվում, սատցվում է ՀՀԿ-ի ներսում էլ վստահություն չունեն այդ մարդիկ, Բաղդասարյանը հայտարարեց, թե վստահությունը ձևավորվում է աշխատանքի ընթացքում՝ վստահեցնելով, թե այդ առթիվ ՀՀԿ-ն չի պատրաստվում որևէ մեկին պատժել. «Մենք սկանդալային խնդիրներ չունենք: Որևէ մեկը առիթ չի տվել պատժելու»:
Մանրամասները դիտեք տեսանյութում:
Մարինե Խառատյան
